भारवी कला अकादमीची कार्यकारिणी घोषित‎:विविध क्षेत्रातील कलावंताना‎ रोजगारासह कलेचे दालन उभारू‎

आज वाळवंटात झाड‎ लावण्यासारखी नाट्य व कला‎ क्षेत्रातील परिस्थिती झाली आहे. हे‎ कार्य दमदार करण्यासाठी वेगळा‎ विषय घेत महानाट्यातून राष्ट्रीय‎ एकतेचा संदेश देण्यासाठी प्रयत्न‎ करायला हवेत. शहरासाठी विविध‎ क्षेत्रातील कलावंतांना रोजगारासह‎ कलेचे दालन उपलब्ध करुन‎ देण्यासाठी मी कटिबद्ध असेल, असे‎ प्रतिपादन आमदार बच्चू कडू यांनी‎ केले. साहित्य, नाट्य, संगीत अशी‎ परंपरा असणाऱ्या‎ अचलपूर-परतवाडा शहरात भारवी‎ कला अकादमीची स्थापना करत‎ कार्यकारिणी घोषित करण्यात आली.‎ या वेळी नवनियुक्त पदाधिकाऱ्यांचे‎अभिनंदन करताना ते बोलत होते.‎ कार्यक्रमाच्या अध्यक्षस्थानी रा. भ.‎ महाजन, अशोक बोंडे, डॉ. काशीनाथ‎ बऱ्हाटे, राजा धर्माधिकारी, डॉ.‎ एकनाथ तट्टे प्रामुख्याने उपस्थित होते.‎

या वेळी बच्चू कडु यांनी या‎ अकादमीच्या माध्यमातून विविध‎ क्षेत्रातील परंपरागत कला, वस्तू‎ निर्मिती करून त्यातून रोजगार‎ ‎देण्याची गरज असल्याचे मत व्यक्त‎ केले. डॉ. काशीनाथ बऱ्हाटे, अशोक‎ बोंडे, रा. भ. महाजन, जितेंद्र रोडे,‎ गजानन मते, राजा धर्माधिकारी,‎ श्रीकांत राजूरकर, कैलास पेंढारकर,‎ संजय ठाकरे, गणेश हिंगणीकर,‎ विठ्ठल गिरी, आदींनी मनोगत व्यक्त‎ केले. कार्यक्रमाचे प्रास्ताविक प्राचार्य‎ डॉ. एकनाथ तट्टे यांनी केले.‎

अशी आहे कार्यकारिणी‎ कार्यकारिणीच्या अध्यक्ष पदी अशोक‎ बोंडे, उपाध्यक्ष म्हणून जितेंद्र रोडे, राजा‎ धर्माधिकारी, वासंती राजुरकर,‎ कैलास पेंढारकर (सचिव),‎ सहसचिव- मनोज छापानी व हर्षदा‎ उखळकर, गणेश हिंगणीकर‎ (कोषाध्यक्ष), तर सदस्य म्हणून डॉ.‎ काशीनाथ बऱ्हाटे, डॉ. एकनाथ तट्टे,‎ नंदकिशोर पेंडसे, गजानन मते,‎ श्यामसुंदर धुळधर, संजय ठाकरे,‎ सचिन करडे यांची निवड करण्यात‎ आली. याशिवाय साहित्य विभाग,‎ नाट्य विभाग, संगीत विभाग, नृत्य,‎ चित्रकला, सिने व क्रीडा समिती‎ प्रमुखांची देखील या प्रसंगी निवड‎ करण्यात आली.‎