निरोप:दहावीच्या विद्यार्थ्यांना‎ प्रबोधन विद्यालयात निरोप‎

‎ विद्यार्थ्यांनी तणावमुक्त वातावरणात व आत्मविश्वासाने‎ परीक्षेला सामोरे जावे, असे प्रतिपादन प्राचार्य दत्तात्रय‎ रेवस्कर यांनी केले. शहरातील प्रबोधन विद्यालयात इयत्ता‎ दहावीच्या विद्यार्थ्यांना विद्यालयातर्फे नुकताच निरोप‎ समारंभ व परीक्षेसाठी मार्गदर्शन व शुभेच्छा देण्याचा‎ कार्यक्रम आयोजित करण्यात आला होता. त्यावेळी‎ कार्यक्रमाचे अध्यक्ष म्हणून मार्गदर्शन करताना प्राचार्य‎ रेवस्कर बोलत होते.‎ या प्रसंगी व्यासपीठावर उपप्राचार्य नरेंद्र गोंडाणे,‎ उपमुख्याध्यापिका शोभा भिसे, पर्यवेक्षक प्रतिभा संत,‎ राजकुमार बावनकुळे आदी उपस्थित होते.

सर्वप्रथम‎ संस्थेचे संस्थापकद्वय मामा क्षीरसागर, बाबा रेड्डीकर व‎ सरस्वती मातेच्या प्रतिमांचे मान्यवरांच्या हस्ते पूजन‎ करण्यात आले. दरम्यान उपस्थित वर्गशिक्षक, विषय‎ शिक्षक यांनी विद्यार्थ्यांना विद्यालयाच्या वतीने बोर्डाच्या‎ परीक्षेसाठी शुभेच्छा दिल्या व परीक्षेसंबंधी मार्गदर्शन‎ केले.‎ समारोपीय कार्यक्रमाप्रसंगी विद्यार्थ्यांनी मनोगत व्यक्त‎ केले. आठवण म्हणून या प्रसंगी विद्यार्थ्यांनी विद्यालयाला‎ भेटवस्तू दिल्यात. विद्यार्थ्यांचे विद्यालय व शिक्षकांवरील‎ प्रेम पाहून सर्वांनी त्यांचे कौतुक केले. कार्यक्रमाचे‎ प्रास्ताविक राजकुमार बावनकुळे, सूत्रसंचालन मनोज‎ राठी, तर आभार प्रदर्शन माधुरी पवार यांनी केले. या‎ कार्यक्रमाला इयत्ता दहावीचे जवळपास ३०० विद्यार्थी‎ उपस्थित होते.