डिजिटल माध्यमांना‎ प्राधान्य:अंगणवाडी सेविकांना नवीन मोबाइल देण्यासाठी शासनाकडे पाठपुरावा ‎

राज्यात गतिमान प्रशासन ही युक्ती प्रत्यक्षात‎ यावी आणि काळानुसार पावले पडावी‎ म्हणून सर्व विभागात डिजिटल माध्यमांना‎ प्राधान्य देण्यात येत आहे. त्यामध्ये‎ अंगणवाडीचे काम ऑनलाइन करण्यासाठी‎ प्रत्येक अंगणवाडी सेविकांना महिला व‎ बालकल्याण विभागाकडून दोन वर्षांपूर्वी‎ मोबाइल दिले होते. मात्र, यातील पोषण‎ ट्रॅकरवर काम करणे डोकेदुखीचे ठरत‎ असल्याने अंगणवाडी सेविकांनी अखेर हे‎ मोबाइल प्रशासनाकडे परत केले. त्यामुळे‎ नवीन मोबाइल उपलब्ध करून देण्यासाठी‎ महिला व बालकल्याण विभागाने‎ शासनाकडे पाठपुरावा सुरू केला आहे.‎ सर्व अंगणवाड्यांचे काम ऑनलाइन‎ पद्धतीने करण्याचा निर्णय राज्य सरकारने‎ दोन वर्षांपूर्वी घेतला होता. अंगणवाडीचे‎ काम करण्यासाठी प्रत्येक अंगणवाडी‎ सेविकेला मोबाइल देण्यात आले होते.‎ ‎

‎‎‎‎‎‎‎जिल्ह्यातील २ हजार ४९६ अंगणवाड्या व‎ १५० मिनी अंगणवाडी आहेत. येथील‎ कार्यरत अंगणवाडी सेविकांना मोबाइलची‎ आवश्यकता असते. महिला व‎ बालकल्याण विभागामार्फत चालवण्यात‎ येणाऱ्या योजनांची माहिती पोषण ट्रॅकर या‎ मोबाइल अॅपवर भरावी लागते. त्यासाठी‎ अंगणवाडी सेविकांना मोबाइलची‎ आवश्यकता आहे. अंगणवाडी सेविकांना‎ प्रशिक्षणही दिले. प्रत्येक अंगणवाडी‎ सेविकेला मोबाइलमध्ये कॉमन अप्लिकेशन‎ सॉफ्टवेअर कास याद्वारे माहिती भरली जात‎ होती.‎