संभ्रम‎ पसरवून समाजात गैरसमज निर्माण‎ करण्याचा प्रयत्न:स्वातंत्र्यवीर सावरकर गौरव यात्रा आज‎

स्वातंत्र्यवीर सावरकरांबद्दल संभ्रम‎ पसरवून समाजात गैरसमज निर्माण‎ करण्याचा प्रयत्न काँग्रेस नेत्यांनी‎ चालवला आहे. त्यामुळे देशाच्या‎ स्वातंत्र्यासाठी जीवन समर्पित‎ करणाऱ्या सावरकर यांचे खरे‎ जीवनचित्र समाजापुढे यावे या दृष्टीने‎ भाजप अमरावती शहर, जिल्ह्याद्वारे‎ मंगळवार, ४ एप्रिलला स्वातंत्र्यवीर‎ सावरकर यांच्या सन्मानार्थ गौरव‎ यात्रेचे आयोजन करण्यात आले,‎ अशी माहिती श्रमिक पत्रकार भवन‎ येथे पत्रपरिषदेत देण्यात आली.‎ काँग्रेसचे नेते राहुल गांधी मी‎ माफीवीर नाही, असे म्हणत‎ स्वातंत्र्यवीर सावरकर यांचा अपमान‎ करतात, त्याचा निषेधही पत्रपरिषदेत‎ करण्यात आला. गौरव यात्रेचा शुभारंभ‎‎‎‎‎‎‎‎‎‎‎‎‎‎ बडनेरा नवीवस्ती येथील आठवडी‎ बाजार चौक (छत्रपती शिवाजी‎ महाराज चौक) येथून सायंकाळी ५‎ वाजता होईल.

या ठिकाणी‎ मान्यवरांच्या मनोगतानंतर गौरव यात्रा‎ जुनीवस्ती बडनेरा मार्गे साईनगरातील‎ बेनाम चौक, गोपाल नगर चौक, नवाथे‎ चौक, राजापेठ भाजप कार्यालय,‎ राजकमल चौक, जयस्तंभ चौक मार्गे‎ जवाहर गेट येथून प्रताप चौक, जैन‎ मंदिर व पुढे भाजीबाजार चौक येथे‎ पोहोचेल. मान्यवरांच्या समारोपीय‎ भाषणानंतर यात्रेचा समारोप होईल.‎रॅलीत खा. अनिल बोंडे, आ. प्रवीण‎ पोटे, भाजप शहर अध्यक्ष किरण‎ पातुरकर, भाजप प्रदेश प्रवक्ते शिवराय‎ कुळकर्णी, प्रा. रवींद्र खांडेकर, जयंत‎ डेहणकर, तुषार भारतीय, डाॅ. नितीन‎ धांडे, माजी महापौर चेतन गावंडे,‎ संजय नवरणे, संध्या टिकले, गजानन‎ देशमुख, मंगेश खोंड, दीपक खताळे‎ यांच्यासह भाजप नेते उपस्थित‎ राहतील. पत्रपरिषदेला आ. प्रवीण‎ पोटे, शहर भाजप अध्यक्ष किरण‎ पातुरकर, शिवराय कुळकर्णी, जयंत‎ डेहनकर, गजानन देशमुख, मंगेश‎ खोंडे, दिपक खताळे उपस्थित होते.‎

भाजप साईनगर प्रभागाद्वारे‎ गौरव यात्रेचे होणार स्वागत‎ गौरव यात्रेचे माजी सभागृह नेते तुषार‎ भारतीय यांच्याद्वारे भाजप साईनगर‎ प्रभागाद्वारे स्वागत करण्यात येणार‎ आहे. यात्रेचे नेतृत्त्व आ. प्रवीण पोटे,‎ माजी आ. संजय कुटे करणार असून‎ जयंत डेहनकर, शिवराय कुळकर्णी हे‎ सहसंयोजक आहेत. माजी नगरसेवक‎ प्रणीत सोनी, लता देशमुख हे मुख्य‎ संयोजक आहेत.‎