सेवा संगमाच्या संकल्प:पर्यावरण सेवा कृतीने दणाणला‎ गाडगेबाबा गोरक्षण परिसर‎

तालुक्यातील माहुली (धांडे) येथील‎ गाडगेबाबा गोरक्षण परिसरात‎ आयोजित पर्यावरण सेवेच्या कृती‎ कार्यक्रमात संपूर्ण दर्यापूर विभाग‎ गृहरक्षक दल पथक, स्थानिक श्रीमती‎ कोकीळबाई गावंडे महिला‎ महाविद्यालयाच्या राष्ट्रीय सेवा योजना‎ पथकाने सहभाग नोंदवला होता.‎ दरम्यान कार्यक्रमाचे अध्यक्ष डॉ.‎ राजेश बुरंगे यांच्या हस्ते दर्यापूर विभाग‎ गृहरक्षक दलाचे पलटन नायक प्रवीण‎ पातुरकर यांनी संपूर्ण गृहरक्षक‎ पथकाच्या वतीने सन्मानाचा स्वीकार‎ केला. यावेळी सर्व उपस्थितांनी‎ गृहरक्षक पथकावर फुलांचा वर्षाव‎ केला.

गाडगेबाबा गोरक्षणचे अध्यक्ष‎ अनिल भारसाकळे यांनी डॉ. राजेश‎ बुरंगे यांचा विभागीय कार्याबद्दल‎ सत्कार केला.‎ कार्यक्रमात विविध क्षेत्रात‎ उल्लेखनीय कार्यासाठी सन्मानपत्र‎ असलेले सतीश पाटील साखरे, प्रा.‎ डॉ. हरदास आखरे, प्रा. डॉ. गजानन‎ हेरोळे, प्रा. अर्चना तिवारी, रोहन‎ बुंदेले, अमर कतोरे, दिंडी संच प्रमुख‎ प्रमोद राऊत, शेखर पाटील यांना‎ मान्यवरांच्या हस्ते सन्मानित करण्यात‎ आले.

अमर कोरे यांनी गीत सादर‎ करून आपल्या गायन कलेचा परीचय‎ करून दिला. सकाळ ते दुपार अशा‎ प्रदीर्घ चाललेल्या या नियोजन पूर्ण‎ उत्सव कार्यक्रमाचे सूत्रबद्ध नेतृत्व तथा‎ सूत्रसंचालन गाडगेबाबा मंडळाचे‎ अध्यक्ष प्रा. गजानन भारसाकळे,‎ प्रास्ताविक निवृत्त प्राचार्य गोपाळ‎ बारब्दे, तर आभार प्रदर्शन प्रा. डॉ.‎ अवघा गावडे यांनी केले.

राष्ट्रीय सेवा‎ योजना महाविद्यालय कार्यक्रम‎ अधिकारी प्रा. अर्चना तिवारी‎ यांच्यासह विजय पाटील धुमाळे,‎ संजय धोटे, आदित्य बारब्दे, प्रा. डॉ.‎ अमित गावंडे, नीलेश मोहोड, उमेश‎ इंगळे, संदीप पवार, संगम डोंगरे,‎ विकास शिंगणे, गजानन शर्मा, नितेश‎ इंगळे, पवन वाकोडे, आकाश नागपुरे,‎ श्रीकृष्ण पोटे, संतोष गवई, राजेश‎ ढोले, नितीन विधळे, केंद्र प्रमुख‎ बाबूराव बांबल आदींनी कार्यक्रमाच्या‎ यशस्वीतेसाठी परिश्रम घेतले. या‎ प्रसंगी गोरक्षण स्थळावरील‎ गाय-वासरांना मिष्ठान्न देऊन‎ कार्यक्रमाची सांगता करण्यात आली.‎ दरम्यान,आपल्या देशाला‎ अधिकाधिक प्रगतीशील, सर्वांगीण‎ सुंदर व सदैव सुसज्ज घडवण्याची‎ राष्ट्रसेवा या कृतीशील मंत्राचे जतन‎ करणे आवश्यक असल्याचे प्रतिपादन‎ डॉ. राजेश बुरंगे यांनी केले‎