55 हजारांचा मुद्देमाल जप्त; विशेष पथकाची कारवाई‎:आयपीएल सामन्यावर‎ सट्टा खेळणारा गजाआड‎

मोबाइलद्वारे लोकांना लिंक देऊन‎ आयपीएलमधील क्रिकेट‎ सामन्यांवर सट्टा खेळणाऱ्या एका‎ सट्टेबाजास पोलिस आयुक्तांच्या‎ विशेष पथकाने अटक केली.‎ त्याच्याकडून ५५ हजारांचा‎ मोबाइल जप्त करण्यात आला. ही‎ कारवाई मंगळवार, ११ एप्रिल रोजी‎ रात्री ९.४० वाजता साईनगर‎ परिसरातील यशवंत लॉनसमोर‎ करण्यात आली.‎ हर्षद दिलीपकुमार जयस्वाल‎ (२९, रा. गौरी अपार्टमेंट, अकोली‎ मार्ग) असे अटक करण्यात‎ आलेल्या सट्टेबाजाचे नाव आहे.‎ साईनगरातील यशवंत लॉनसमोर‎ हर्षद जयस्वाल हा मुंबई इंडियन्स‎ विरुद्ध दिल्ली कॅपिटल्स या संघात‎ सुरू असलेल्या सामन्यावर‎ मोबाइलद्वारे लोकांना लिंक देऊन‎ खायवाडी व लागवाडी करत होता.‎ याबाबत विशेष पथकाला माहिती‎ मिळाली.

या माहितीच्या‎ आधारावर विशेष पथकाने धाड‎ टाकली. यावेळी हर्षद हा‎ मोबाइलमधील गुगल क्रोममध्ये‎ भोले एक्सएच नामक बेकायदेशीर‎ सॉफ्टवेअरद्वारे क्रिकेट सामन्यावर‎ बेटिंग करताना आढळून आला.‎ चौकशीत त्याने सदर ॲप योगेश‎ साहू रा. छांगाणीनगर याच्याकडून‎ घेतले असून, दोघांची सदर‎ व्यवहारामध्ये भागीदारी असल्याचे‎ सांगितले. त्यानुसार पथकाने योगेश‎ साहूचा शोध घेतला. परंतु, त्याचा‎ पत्ता लागला नाही. पोलिसांनी‎ हर्षदकडून ५५ हजार रुपयांचा‎ मोबाइल जप्त करून त्याच्याविरुद्ध‎ गुन्हा दाखल केला.

या कारवाई‎ विशेष पथकातील पोलिस‎ उपनिरीक्षक गजानन राजमलू,‎ सुनील लासूरकर, जहीर शेख,‎ अतुल संभे, राहुल ढेंगेकर, विनोद‎ काटकर, सागर ठाकरे आदींनी‎ केली. दरम्यान, गेल्या तीन‎ दिवसांपासून आयपीएल क्रिकेट‎ सट्ट्यांवर बेटींग लावण्याच्या‎ घटनांमध्ये शहरातील ही तिसरी‎ घटना आहे. पोलिसांनी आपल्या‎ कारवाईचे सत्र सुरु केले आहे तरी‎ मोठ्या प्रमाणावर अशा प्रकारे‎ ऑनलाइन सट्टा सुरु आहे.‎