गुन्हा दाखल:पित्याचा गळा दाबून खून केला‎ अन् आत्महत्येचा बनाव रचला

‎संशय घेऊन वारंवार मुलाला‎ त्रास देत असल्याचा आरोप करुन‎ एका ५५ वर्षीय वडीलांचा २२‎ वर्षीय मुलाने दोरीने गळा‎ आवळून खून केला. ही घटना‎ खोलापूर पोलिस ठाण्याच्या‎ हद्दीतील दारापूर येथे शुक्रवारी‎ (दि. १७) रात्री समोर आली. या‎ प्रकरणी पोलिसांनी मुलाला‎ अटक केली आहे. दरम्यान, दोन‎ दिवसांपूर्वी पित्याने आत्महत्या‎ केली, असा बनाव त्याने रचला‎ होता.‎

संजय वासुदेवराव ईसळ (५५,‎ रा. दारापूर) असे मृताचे तर गौरव‎ संजयराव ईसळ (२२, रा.‎ दारापूर) असे पोलिसांनी अटक‎ केलेल्या मारेकरी मुलाचे नाव‎ आहे. संजय ईसळ यांचा मृतदेह‎ १५ मार्चला सकाळी घरातच‎ आढळला होता. त्यावेळी‎ पोलिसांना माहिती देण्यात आली.‎ पोलिस घटनास्थळी पोहोचले‎ असता संजय ईसळ यांच्या‎ अंगावर विषारी द्रव्य सांडलेले‎ होते तसेच विषारी द्रव्याचा‎ दुर्गंधसुद्धा त्या ठिकाणी येत होता.‎ त्यामुळे त्यांनी विषारी द्रव्य सेवन‎ करुन आत्महत्या केल्याचे‎ प्रथमदर्शनी समोर आले होते.‎

दरम्यान, मृतदेहाचे शवविच्छेदन‎ झाल्यानंतर पोलिसांनी‎ डॉक्टरांसोबत चर्चा केली.‎ त्यावेळी डॉक्टरांनी हा मृत्यू‎ विषबाधेने नसून, गळा‎ आवळल्याने झाला असल्याचे‎ पोलिसांना सांगितले. तसेच‎ पोलिसांनासुद्धा पंचनामादरम्यान‎ हा खून असल्याचा अंदाज आला‎ होता. त्यामुळेच खोलापूरचे‎ ठाणेदार संघरक्षक भगत यांनी‎ शुक्रवारी रात्री संजय यांचा मुलगा‎ गौरव याला चौकशीसाठी ताब्यात‎ घेतले.

पोलिसांच्या‎ चौकशीदरम्यान त्याने सांगितले‎ की, वडील हे वारंवार संशय घेत‎ होते. त्यामधून अनेकदा वाद झाले‎ होते. घटनेच्या दिवशी म्हणजेच‎ १४ मार्चला रात्रीसुद्धा वाद झाला.‎ त्या वादानंतर रागातून दोरीने गळा‎ आवळून त्यांचा खून केला व हा‎ मृत्यू आत्महत्या वाटावी, म्हणून‎ अंगावर विषारी द्रव्य टाकले. हा‎ प्रकार समोर येताच गौरवला‎ तत्काळ अटक केली.‎