क्रीडा क्षेत्राचा अनुभव:श्री हव्याप्र मंडळातील ‘शुटींग‎ सेफ्टी काेर्स''ने रचला इतिहास‎

श्री हनुमान व्यायाम प्रसारक मंडळ‎ म्हणजे खात्रीशीर यशाचे दुसरं नाव‎ अशी ख्याती आहे. यात आता‎ नेमबाजी क्रीडा विभागाच्या ‘शुटींग‎ सेफ्टी काेर्स’ची भर पडली आहे.‎ नोंदणीकृत महाराष्ट्र रायफल‎ असोसिएशन मुंबई द्वारे प्रमाणित या‎ प्रशिक्षणाच्या पहिल्याच दिवशी‎ सर्वच ठिकाणच्या विद्यार्थ्यांचा‎ ‘रेकाॅर्ड ब्रेक’ सहभाग राहिला.‎ नेमबाजी क्रीडा क्षेत्रामध्ये‎ कारकीर्द घडवण्यास इच्छुक‎ प्रत्येक विद्यार्थी व स्पर्धकासाठी‎ नेमबाजी सुरक्षा प्रशिक्षण अनिवार्य‎ असते. त्यानुषंगाने मंडळाच्या‎ नेमबाजी विभागाद्वारे या प्रशिक्षणाचे‎ आयोजन रविवार ५ फेब्रुवारी २०२३‎ राेजी करण्यात आले. नेमबाजी‎ क्रीडा क्षेत्राचा अनुभव बघता‎ साधारणत: एका दिवसाला एक‎ बॅच म्हणजेच ४० विद्यार्थ्यांचा‎ समावेश असताे.

मात्र, श्री हनुमान‎ व्यायाम प्रसारक मंडळाच्या‎ नेमबाजी विभागाद्वारे आयोजित‎ महाराष्ट्र रायफल असोसिएशन‎ ‘शुटींग सेफ्टी कोर्स’ ला सर्वच‎ ठिकाणच्या नेमबाजांनी माेठ्या‎ संख्येने सहभाग घेत विक्रम‎ नाेंदविला आहे. रविवारी दिवसभर‎ एकूण तीन बॅचेस म्हणजे ९८‎ विद्यार्थ्यांचा सहभाग राहिला. तसेच‎ प्रतीक्षा यादीही लांबलचक होती.‎ प्रशिक्षणाच्या यशासाठी नेमबाजी‎ विभाग प्रमुख व प्रशिक्षक राहुल‎ उगले, प्रा.आनंद महाजन यांचे‎ परिश्रम सार्थकी ठरले. यशस्वी‎ आयोजनासाठी मंडळाचे प्रधान‎ सचिव पद्मश्री प्रभाकरराव वैद्य,‎ मंडळाच्या सचिव डाॅ. माधुरी‎ चेंडके यांचे सहकार्य लाभले.‎ मंडळाचे उपाध्यक्ष डाॅ. श्रीकांत‎ चेंडके, अ‍ॅड. प्रशांत देशपांडे,‎ कोषाध्यक्ष डाॅ. सुरेश देशपांडे,‎ कार्याध्यक्ष डाॅ. रमेश गाेडबाेले‎ यांच्यासह सर्व पदाधिकारी,‎ प्रशिक्षक, प्राध्यापक व कर्मचारी‎ वृद्धांकडून शुटींग विभागाचे‎ अभिनंदन हाेत आहे.‎