‎अपघात:मिनी ट्रकच्या धडकेत पती-पत्नी‎ ठार, बाळासह सात जण जखमी‎

‎शिराळा ते देवरा मार्गावरील एका शेतात‎ नातेवाइकांना भेटण्यासाठी आलेल्या एका‎ दाम्पत्याला भरधाव मिनी ट्रकने धडक दिली. या‎ धडकेत दाम्पत्य ठार झाले आहे. दोन वर्षाच्या‎ चिमुकल्यालासह हे दाम्पत्य दुचाकीने‎ शेताजवळ आले. दुचाकी उभी करुन ते‎ दुचाकीजवळ उभे असतानाच त्यांना जबर‎ धडक दिली. हा अपघात गुरूवारी (दि. २)‎ दुपारी घडला आहे. या अपघातानंतर मिनी ट्रक‎ उलटल्याने त्यामधील सहा मजूरसुद्धा जखमी‎ झाले आहे.‎ विजय अन्नाजी शिंदे (२८) आणि रुतुजा‎ विजय शिंदे (२४, दोघेही रा. जळका जगताप,‎ ता. चांदूर रेल्वे) असे मृतक दाम्पत्याचे तर देवांशू‎ विजय शिंदे (२) असे जखमी झालेल्या बाळाचे‎ नाव आहे. शिंदे दाम्पत्य गुरुवारी दुपारी जळका‎ जगताप गावावरुन शिराळा ते देवरा मार्गावरील‎ एका शेतात दुचाकीने आले. या शेतात त्यांचे‎ नातेवाइक थांबले आहेत. शेत आल्यानंतर त्यांनी‎ दुचाकी उभी केली, पत्नी दोन वर्षाच्या मुलाला‎ घेऊन दुचाकीवरुन खाली उतरली.

त्यानंतर‎ विजय शिंदे यांनी दुचाकी उभी केली. दोघेही‎ पती-पत्नी एकमेकांसोबत रस्त्याच्या बाजूला‎ बोलत असतानाच एक भरधाव मिनी ट्रक‎ (४०७) शिराळ्याकडून माहुलीकडे कुटार‎ घेऊन आला व चिमुकल्यासह शिंदे दाम्पत्याला‎ जबर धडक दिली. या धडकेत तिघेही फेकल्या‎ गेले. यामध्ये पती-पत्नीला जबर मार बसल्याने‎ त्यांचा घटनास्थळीच मृत्यू झाला तर दोन वर्षीय‎‎‎‎‎‎‎‎‎‎‎‎‎‎‎‎‎‎‎‎‎‎ चिमुकला जखमी झाला आहे. त्याला‎ अमरावतीत खासगी रुग्णालयात उपचारासाठी‎ दाखल करण्यात आले आहे. अपघातानंतर‎ धडक देणारा मिनी ट्रक उलटला. या मिनी‎ ट्रकमध्ये ६ मजूर होते. ते सुद्धा जखमी झाले‎ आहेत. अपघातानंतर मिनी ट्रकचा चालक वाहन‎ सोडून पसार झाला आहे. घटनेची माहीती‎ मिळताच माहुली जहागिरचे ठाणेदार मिलींद‎ सरकटे तत्काळ पथकासह घटनास्थळी दाखल‎ झाले आहेत.‎

मिनी ट्रकमधील जखमी मजूर‎
नईम खान अफझल खान (२०), गजानन‎ नारायण मारोटकर (३५), मोबिन खान रशीद‎ खान (२२), अब्दुल सिद्दीकी अब्दुल रौफ‎ (२५), सचिन रामरावजी इंगळे (३६) आणि‎ अफरोज रशीद खान (३६, सर्व रा. माहुली‎ जहागिर) असे जखमी झाले आहेत. हे त्या‎ मिनी ट्रकमध्ये कामावर आहेत.‎