क्राईम:घरी चल म्हणत, पतीचा पत्नी‎ अन् सासू-सासऱ्यावर हल्ला‎; जावयाविरुद्ध गुन्हा‎, पिंपळोद येथील घटना

अमरावती‎ येवदा पोलिस ठाण्याच्या हद्दीतील‎ पिंपळोद येथे एका ३९ वर्षीय व्यक्तीने‎ कौटुंबीक वादातून पत्नीसह सासू व‎ सासऱ्यांवर तलवारीने जीवघेणा हल्ला‎ चढवला. या प्रकरणी हल्लेखोर‎ जावयाविरुद्ध येवदा पोलिसांनी‎ बुधवारी (दि. २४) गुन्हा दाखल केला‎ आहे.

पत्नी माहेरी आली होती, ‘तू‎ आताच माझ्यासोबत घरी चल’ म्हणत‎ पतीने पत्नीसह सासू व सासऱ्यावर हा‎ हल्ला केला आहे.‎ सरला उमेश चव्हाण, रामराव‎ तुळशीराम सोळंके आणि रामवराव‎ यांच्या पत्नी असे तिघे हल्ल्यात‎ जखमी झाले आहे.

उमेश जगदंबराव‎ चव्हाण (३९, रा. पांढरी मसमापूर, ता.‎ अंजनगाव सुर्जी) असे हल्लेखोराचे‎ नाव आहे. पोलिस तक्रारीनुसार,‎ तक्रारदार महिला व तिची बहीण सरला‎ या दोघीही विवाहीत आहे. दरम्यान‎ त्यांच्या चुलत भावाचे पिंपळोद येथे १६‎ मे रोजी लग्न होते. त्यामुळे त्या‎ वडिलांकडे रामराव सोळंके यांच्या‎ घरी आलेल्या आहेत. २३ मे रोेजी रात्री‎ साडेआठ ते नऊ वाजता रामराव‎ सोळंके व त्यांच्या पत्नी या गावातच‎ असलेल्या परशुराम महाराज मंदिरात‎ दर्शनासाठी गेले होते.

याचदरम्यान‎ सरला बाहेरुन घरात ओरडत येत‎ असल्याचा आवाज सरला यांच्या‎ बहिणीला आला. त्यावेळी सरला‎ यांची बहीण घरातच स्वयंपाक करत‎ होती. ओरडण्याचा आवाज‎ आल्यामुळे त्यांनी बाहेर येऊन पाहिले,‎ तर सरलाच्या मागे तीचा पती उमेश‎ चव्हाण हा तलवार घेऊन धावत आला‎ व त्याने वार केला. त्यामुळे सरला‎ खाली पडली. याचदरम्यान रामराव‎ सोळंके व त्यांच्या पत्नी मंदिरातून घरी‎ पोहोचले व त्यांनी मध्यस्थी करण्याचा‎ प्रयत्न केला, तर उमेशने रामवरावजी‎ यांच्या हातावर, पोटावर व शरीरावर‎ तलवारीने सपासप वार केले.

त्यामुळे‎ रामरावजी यांच्या पत्नी मधात गेल्या‎ असता त्यांच्यावरही उमेशने तलवारीने‎ हल्ला केला.‎ उमेश मागील दोन महिन्यांपासून‎ त्रास देत असल्याचे सरला यांनी काही‎ दिवसांपूर्वीच बहिणीला सांगितले होते,‎ त्याच कारणावरून त्याने पत्नी‎ सरलासह सरलाचे आई व वडील‎ यांच्यावर जीवघेणा हल्ला करुन त्यांना‎ तिघांनाही गंभीर जखमी केले‎ असल्याचे सरलाच्या बहिणीने पोलिस‎ तक्रारीत नमूद केले आहे. या‎ तक्रारीवरून येवदा पोलिसांनी उमेश‎ चव्हाण विरुध्द प्राणघातक हल्ला‎ करुन गंभीर जखमी करणे तसेच‎ अवैध शस्त्र बाळगणे या कलमान्वये‎ गुन्हा दाखल केला आहे.‎