दिव्य मराठी विशेष:‘एचव्हीपीएम’ आंतरराष्ट्रीय क्रीडा विद्यापीठ बनवणार‎ ; रशियाच्या विद्यापीठासोबत करार करणार‎

श्री हनुमान व्यायाम प्रसारक‎ मंडळाला (एचव्हीपीएम)‎ देशातील एकमेव खासगी‎ अनुदानित क्रीडा विद्यापीठाचा दर्जा‎ मिळाला असून आता आम्ही‎ आंतरराष्ट्रीय क्रीडा विद्यापीठ‎ मिळवणार असल्याची ग्वाही‎ एचव्हीपीएम प्रधान सचिव‎ प्रभाकरराव वैद्य, एचव्हीपीएमचे‎ युनेस्कोमधील सल्लागार सदस्य‎ प्रणव चेंडके यांनी शुक्रवारी स्व.‎ सोमेश्वर पुसतकर ऑडिटोरियम‎ सभागृहात झालेल्या पत्रपरिषदेत‎ दिली.‎ रशिया, कोलंबिया येथे‎ ऑलिम्पिक विद्यापीठ असून येथे‎‎‎‎‎‎‎‎‎‎‎‎ शिकण्यासाठी एचव्हीपीएम येथील‎ विद्यार्थ्यांना संपूर्ण शिष्यवृत्ती दिली‎ जाईल. एचव्हीपीएम क्रीडा‎ विद्यापीठ झाल्यानंतर येथे केवळ‎ शारीरिक शिक्षणाचेच प्रशिक्षण‎ दिले जाणार नाही तर स्पोर्ट्स‎ सायकलाॅजी, बायोमॅट्रीक्स,‎‎‎‎‎‎‎‎‎‎‎‎ फिजिओ थेरेपी हे अभ्यासक्रम व‎ त्यासाठी तज्ज्ञ घडविले जातील.‎ स्पोर्ट्स इंडस्ट्रीशी संबंधित विषय.‎ यात कमी किंमतीचे क्रीडा साहित्य‎ तयार करण्यासाठी तज्ज्ञ घडवणे,‎ कौशल्य शिक्षण, क्रीडा विज्ञान,‎ क्रीडा व्यवस्थापन असे‎‎‎‎‎‎‎‎‎‎‎‎ अभ्यासक्रम, योगासने, रिनोव्हेशन‎ आॅफ इन्फ्रास्ट्रक्चर व अत्याधुनिक‎ क्रीडा सुविधा मिळणार आहेत.‎

पहिला आंतरराष्ट्रीय योग‎ अभ्यासक्रम शनिवार ११ पासून‎ एचव्हीपीएममध्ये सुरू होत असून‎ १५ विद्यार्थ्यांनी यासाठी प्रवेश‎ घेतल्याची माहिती पत्रपरिषदेत‎ देण्यात आली. क्रीडा विद्यापीठ‎ मिळविण्याचे संस्थापक स्व.‎ अंबादासपंत वैद्य यांनी बघितलेले‎ स्वप्न पूर्ण करण्यासाठी प्रभाकरराव‎ वैद्य यांनी अथक प्रयत्न केल्याचे‎ सूरही पत्रपरिषदेत उमटले.‎ पत्रपरिषदेला मंडळाचे उपाध्यक्ष‎ डाॅ. श्रीकांत चेंडके, डाॅ. गोडबोले,‎ सचिव डाॅ. माधुरी चेंडके, संत‎ गाडगेबाबा अमरावती विद्यापीठाचे‎ प्र-कुलगुरू डाॅ. वाडेगावकर,‎ डीसीपीईचे माजी प्राचार्य डाॅ. अरुण‎ खोडस्कर, डीसीपीईचे प्राचार्य डाॅ.‎ उदय मांजरे, मंडळाचे कोषाध्यक्ष‎ डाॅ. श्रीनिवास देशपांडे, डाॅ. संजय‎ तीरथकर, डाॅ. विजय पांडे व इतर‎ उपस्थित होते.