तपास‎:‘एनआयए’ पथकातर्फे‎ शोएबची चौकशी सुरू‎

गुन्हे शाखेच्या पोलिसांनी ३ मार्चला‎ तीन तस्करांना ३०० ग्रॅम एमडीसह‎ अटक केली आहे. या तिघांमध्ये‎ शहरातील शोएब अहमद शेख हसन‎ यालाही पकडले आहे. शहरातील‎ व्हेटर्नरी मेडिकल व्यावसायिक‎ उमेश कोल्हे यांच्या हत्येपूर्वी‎ शहरातील एका मोबाइल शॉपी‎ चालकाला धमकवण्यात आले होते.‎ त्या धमकी प्रकरणात ‘एनआयए’ला‎ शोएब अहमदचा शोध होता.‎ दरम्यान, त्याला अटक केल्याची‎ माहिती शहर पोलिसांनी‎ ‘एनआयए’ला दिली. त्यामुळे‎ ‘एनआयए’ पथकाने शनिवारी (दि.‎ ११) शहरात येऊन त्याची चौकशी‎ सुरू केली आहे.‎ नुपूर शर्माच्या समर्थनार्थ पोस्ट‎ केल्यामुळे उमेश कोल्हे यांची २१‎ जून २०२२ ला हत्या करण्यात आली‎ होती. या प्रकरणावरून देशभरात‎ खळबळ उडाली होती.

या‎ प्रकरणाचा तपास सुरू असतानाच‎ शहरातील एका मोबाइल शॉपी‎ चालकाला धमकी आल्याची बाब‎ समोर आली होती. त्या धमकी‎ प्रकरणात ‘एनआयए’ला शोएबची‎ चौकशी करायची होती. मात्र शोएब‎ त्यावेळी ‘एनआयए’समोर हजर‎ झाला नाही. दरम्यान, आता त्याला‎ एमडी प्रकरणात पोलिसांनी अटक‎ केली आहे. ‘एमडी’ प्रकरणात‎ शोएबची १३ मार्चपर्यंत पोलिस‎ कोठडी गुन्हे शाखेला मिळाली‎ आहे. त्याचदरम्यान शनिवारी‎ ‘एनआयए’चे पथक शहरात आले‎ असून, त्यांनी शोएबची चौकशी‎ सुरू केली आहे. शनिवारी‎ सायंकाळपर्यंत ‘एनआयए’चे पथक‎ शहरातच होते.‎