जिल्हास्तरीय क्रीडा महोत्सव:वडिलांच्या निधनाचे दु:ख बाजूला सारत‎ कल्याणी कबड्डी स्पर्धेत ठरली उपविजयी‎

जिल्हा परिषदेच्या शिक्षण विभागाद्वारे‎ आयोजित जिल्हास्तरीय शालेय क्रीडा‎ स्पर्धेच्या मैदानावर उतरण्याच्या‎ आदल्या दिवशीच पितृछत्र हरवले. मात्र‎ आई व आजीच्या मदतीने दु:खाला‎ बाजुला सारत शाळेसाठी ती मैदानात‎ उतरली आणि कबड्डी संघाचे‎ कर्णधारपद भुषवत शाळेला मुलींच्या‎ कबड्डी संघाचे उपविजेते पद मिळवून‎ दिले.‎

शाळेसाठी पितृ निधनाचे दु:ख‎ बाजूला ठेवून मैदानात उतरणाऱ्या या‎ रणरागिनीचे नाव आहे. कल्याणी शिंदे.‎ ती तालुक्यातील निमगव्हाण येथील‎ जिल्हा परिषद पुर्व माध्यमिक शाळेची‎ विद्यार्थीनी आहे. कल्याणी ही शाळेच्या‎ कबड्डी चमूची कर्णधार असून‎ कबड्डीमध्ये उत्तम रेडर म्हणून परिचित‎ आहे. अमरावती येथील जिल्हा क्रीडा‎ संकुलात ३१ जानेवारी ते २ फेब्रुवारी या‎ कालावधीत तीन दिवसीय जिल्हा‎ शालेय क्रीडा महोत्सवाचे आयोजन‎ करण्यात आले होते. शाळेच्या कबड्डी‎ संघाचे नेतृत्व करीत मैदानात‎ उतरण्यापुर्वीच तिच्या वडिलांचे निधन‎ झाले. दुसऱ्या दिवशी स्पर्धा असताना‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ आता कसे करायचे या कात्रीत ती‎ सापडली. मात्र आई व आजीच्या‎ मदतीने तिने आपल्या दु:खाला बाजूला‎ सारत आपल्या कर्तव्याला प्राधान्य दिले.‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ खंबीरपणे तिने संघाचे नेतृत्व करीत‎ शाळेला उपविजेता पद मिळवून दिले.‎ सलग तीन सामने जिंकून अंतिम फेरीत‎ पोचली.

वडिलांची इच्छा केली पूर्ण‎ वडिलांचे निधन झाल्याने कल्याणी मैदानात उतरणार नाही, मैत्रिणी व शिक्षकांना‎ वाटत होते, परंतु रात्री तिने आपण उद्या खेळायला येणार असल्याचे शिक्षकांना‎ कळवले. वडील आजारी असतांना त्यांनी शाळेत येऊन कल्याणीच्या स्पर्धेविषयी‎ शिक्षकांशी चर्चा केली होती आणि कल्याणी नक्कीच शाळेसाठी बक्षीस आणणार,‎ असे शिक्षकांना सांगीतले. वडिलांची अंतिम इच्छा पूर्ण करण्यासाठी कल्याणीच्या‎ आई आणि आजीने तिला खेळायला जाण्याकरिता परवानगी दिली अन् कल्याणी‎ दुसऱ्या दिवशी मैदानात उतरली.‎