कारवाई:घरफोडी, दुचाकी चोरणारे दोन‎ अट्टल चोरटे एलसीबीने पकडले‎

ग्रामीण पोलिसांच्या स्थानिक गुन्हे शाखेने‎ यवतमाळातून दोन चोरट्यांना अटक केली.‎ ते अट्टल चोरटे असून, त्यांनी घरफोडीचे‎ चार, दुचाकी चोरीचा एक तर दुकानात चोरी‎ केल्याचा असे एकूण सहा गुन्ह्यांची कबुली‎ दिली आहे. पोलिसांनी त्यांच्या ताब्यातून सहा‎ गुन्ह्यातील २ लाख ८८ हजार २३२ रुपयांचा‎ मुद्देमाल जप्त केला. याच चोरट्यांचा एक‎ साथीदार पसार असून, पोलिस त्याचा कसून‎ शोध घेत आहे.‎ प्रवीण गणेशराव राऊत (३६, रा. हिवरा‎ कावरे, ता. देवळी, जि. वर्धा) व अतुल राजू‎ चांदेकर (३२, रा. आठवडी बाजार,‎ यवतमाळ) अशी अटक चोरट्यांची नावे‎ आहेत. पोलिस अधिक्षक अविनाश बारगळ‎ यांनी जिल्ह्यातील घरफोडी व दुचाकी‎ चोरीच्या गुन्ह्यांना आळा बसावण्याकरिता व‎ गुन्हे उघडकीस आणण्याबाबत आदेशित‎ केले होते.

या अनुषंगाने स्थानिक गुन्हे‎ शाखेचे पोलिस निरीक्षक तपन कोल्ह यांनी‎ एक पथक नेमले आहे. ३ मार्चला स्थानिक‎ गुन्हे शाखेचे पीएसआय मोहम्मद तस्लीम व‎ त्यांच्या पथकाला गोपनीय माहिती मिळाली.‎ त्या माहीतीच्या आधारे पोलिसांनी या दोघांना‎ ताब्यात घेतले. दत्तापुर ठाण्याच्या हद्दीतील‎ श्रीविहार कॉलनी, न्यू राठी नगर, धामणगाव‎ रेल्वे येथील चोरी गेलेली दुचाकी प्रवीण‎ राऊत याने त्याच्या साथीदारासोबत‎ चोरल्याची माहिती मिळाली. दोघांच्या‎ चौकशीनंतर त्यांनी फरार साथीदारासह‎ धामणगाव रेल्वे येथील दुचाकी चोरी‎ केल्याची कबुली दिली.

तसेच धामणगाव‎ रेल्वे येथील न्यु राठी नगर, खेतान नगर, वेद‎ विहार लक्ष्मी नगर परिसरात घरफोडी‎ केल्याची कबुली व दुकानात चोरी केल्याच्या‎ गुन्ह्याची कबुली दिली. मुद्देमाल व आरोपी‎ यांना पुढील कारवाईसाठी दत्तापूर‎ पोलिसांच्या ताब्यात देण्यात आले आहे.‎ हे दोन्ही आरोपी हे सराईत गुन्हेगार असून,‎ त्यांच्यावर यवतमाळ, वर्धा, अकोला येथे‎ खून, घरफोडी, जबरी चोरी व दुचाकी‎ चोरीचे गुन्हे आहेत. नमूद आरोपीतांकडून‎ अधिक गुन्हे उघड होण्याची शक्यता असून‎ आरोपीतांनी अमरावती शहर, यवतमाळमध्ये‎ गुन्हे केल्याची कबुली दिली. ही कारवाई‎ पोलिस उपनिरीक्षक नितीन चुलपार, मोहम्मद‎ तस्लीम शेख गफुर, मुलचंद भांबुरकर,‎ पोलिस हवालदार मंगेश लकडे, चंद्रशेखर‎ खंडारे, सचिन मांगे, चालक हर्षद घुसे या‎ पथकाने केली आहे.‎‎