वनश्री पुरस्कार जाहीर‎:औदुंबर वृक्ष संवर्धन समितीला‎ महाराष्ट्र शासनाचा पुरस्कार‎

वृक्ष संवर्धनाचे कार्य करणाऱ्या‎ औदुंबर वृक्ष संवर्धन समितीच्या‎ कार्याची दखल घेत महाराष्ट्र‎ शासनाचा छत्रपती शिवाजी महाराज‎ वनश्री पुरस्कार या समितीला प्रदान‎ करण्यात आला.‎ वृक्ष लागवड व संवर्धनाचे कार्य‎ उमरखेड येथील औदुंबर वृक्ष संवर्धन‎ समिती करीत आहे. याची दखल‎ महाराष्ट्र शासनाने घेऊन २०१८-१९ चा‎ सेवाभावी संस्था या गटातून विभागीय‎ स्तरावरील छत्रपती शिवाजी महाराज‎ वनश्री पुरस्कार (द्वितीय) जाहीर‎ झाला होता. त्याचे वितरण ८ मार्च‎ रोजी यवतमाळ येथील वन भवन येथे‎ वनसंरक्षक वसंत घुले यांच्या हस्ते व‎ मान्यवरांच्या उपस्थितीत शाल,‎ श्रीफळ, सन्मान चिन्ह, सन्मानपत्र व‎ ३० हजार रूपयांचे राष्ट्रीय बचत‎ प्रमाणपत्र औदुंबर वृक्ष संवर्धन‎ समितीला देऊन गौरवण्यात आले.‎ उपवनसंरक्षक धनंजय वायभासे‎ यांच्या अध्यक्षतेखाली कार्यक्रमाचे‎ आयोजन करण्यात आले होते.‎

याप्रसंगी सामाजिक वनीकरण‎ विभागाचे सर्व अधिकारी औदुंबर‎ समितीचे सर्व सदस्य व कर्मचारी‎ तसेच विविध सामाजिक संघटना,‎ सामाजिक कार्यकर्ते उपस्थित होते.‎ मागील सात वर्षापासून औदुंबर वृक्ष‎ संवर्धन समिती वृक्ष संवर्धनाचे‎ अविरत कार्य करत असून समितीने‎ दात्यांच्या सहकार्यातून ६५०० झाडे‎ लावून वाढवली आहेत. त्याचीच‎ फलश्रुती म्हणून समितीची शासनाचा‎ छत्रपती शिवाजी महाराज वनश्री‎ पुरस्कारासाठी निवड करण्यात येऊन‎ समितीला गौरविण्यात आले.‎