दिव्य मराठी विशेष:अनेक कलाप्रेमींची फगवा महोत्सवाला भेट‎ ; फगवा महोत्सवा​​​​​​​चा कोठा येथे समारोप‎

मेळघाटातील आदिम जीवन संस्कृतीचे दर्शन‎ घडवणाऱ्या फगवा महोत्सवाचा समारोप रविवार‎ १२ रोजी झाला. पर्यटन संचालनालय व जिल्हा‎ प्रशासनाच्या संयुक्त विद्यमाने कोठा येथील‎ ग्रामज्ञानपीठ संपूर्ण बांबू केंद्रात आयोजित या दोन‎ दिवसीय महोत्सवाला राज्यभरातून कलाप्रेमींनी‎ भेट दिली.‎ समारोपाच्या सत्रात पर्यटन मंत्री मंगलप्रभात‎ लोढा यांनी ऑनलाईन उपस्थित राहून‎ नागरिकांना संबोधित केले. मेळघाटातील‎ आदिवासी संस्कृती, तेथील पारंपारिक कला,‎ परंपरा यांचे जतन आणि संवर्धन करण्यासाठी‎ फगवा महोत्सवाचे आयोजन महत्त्वपूर्ण ठरले‎ आहे.

निसर्गसंपन्न मेळघाटातील आदिवासी‎ संस्कृती, आदिवासी बांधवांची कला यांचे‎ प्रदर्शन व त्यांच्याद्वारे निर्मित हस्तकलेच्या वस्तूंना ‎ ‎ अन्यत्र मागणी वाढावी, यासाठी पुढील वर्षी‎ फगवा महोत्सव अधिक व्यापक स्वरुपात साजरा ‎ ‎ केला जाईल, अशी ग्वाही त्यांनी दिली.‎ डिसेंबरमधील अमरावती दौऱ्यात फगवा पर्यटन ‎ ‎ महोत्सव घेण्याची घोषणा पर्यटनमंत्र्यांनी केली‎ होती. त्यानुसार या दोन दिवसीय महोत्सवात ‎ ‎ आदिवासी संस्कृतितील गाणी, नृत्य, कला ‎ ‎ यासोबतच विविध वस्तू, बांबूपासून तयार विविध ‎ ‎ कलाकृती, मेळघाटात उत्पादित धान्याच्या‎ दालनांचा समावेश करण्यात आला होता.‎ धारणीचे गटविकास अधिकारी महेश पाटील,‎ धारणीचे नायब तहसीलदार शिरीष वसावे, माजी‎ जिल्हा परिषद सदस्य सदाशिव खडसे, कोठाच्या‎ सरपंच रुखमा कासदेकर, केंद्राच्या अध्यक्ष‎ निरूपमा देशपांडे तसेच पर्यटन उपसंचालक‎ प्रशांत सवाई़ यावेळी उपस्थित होते.‎

पारंपरिक लोकनृत्याने आणली बहार‎ महोत्सवात कोरकू, गोंड, गवळी, भिलाला या विविध संस्कृतींची पारंपरिक लोकनृत्य व‎ लोकगीते सादर करण्यात आली. समारोपीय कार्यक्रमात जंगल सफारी, निसर्ग भ्रमंतीबरोबरच‎ परिसंवादही घेण्यात आला. आदिवासी कलावंतांचा ‘सन्मान सोहळा’ही यावेळी आयोजित‎ करण्यात आला. यामध्ये आदिवासी बांधवांना मान्यवरांच्या हस्ते धोतर, साडी, चोळी व सन्मान‎ चिन्ह देऊन गौरवण्यात आले.‎