स्व. दत्तात्रय पुसदकर महाविद्यालयाचे रासेयो शिबीर‎:आमदार यशोमती ठाकूर यांची‎ रासेयो शिबिराला सदिच्छा भेट‎

येथील स्व. दत्तात्रय पुसतकर कला‎ महाविद्यालयाच्या राष्ट्रीय सेवा योजना‎ विभागाचे सात दिवसीय निवासी शिबिर‎ नांदुरा लष्करपूर येथे नुकतेच पार पडले. या‎ शिबिराला तिवसा मतदार संघाच्या आमदार‎ यशोमती ठाकूर यांनी सदिच्छा भेट देऊन‎ शिबिरातील राष्ट्रीय सेवा योजनेचे‎ स्वयंसेवकांना उपयुक्त असे मार्गदर्शन‎ करीत त्यांच्याशी संवाद साधला.‎ रासेयो च्या सर्व स्वयंसेवकांनी कोणतेही‎ काम करताना मन लावून करावे.‎ परिस्थितीचा विचार न करता प्रामाणिकपणे‎ प्रयत्न करीत यशाचा मार्ग सुकर करावा,‎ असे मत आमदार ठाकूर यांनी विद्यार्थ्यांना‎ मार्गदर्शन करताना व्यक्त केले. विद्यार्थ्यांनी‎ भारताच्या संविधानाचा अभ्यास करून‎ भारतीय संविधानातील तत्त्वानुसार काम‎ करणाऱ्यांचा सन्मान करावा आणि त्यानुसार‎ आपणही काम करावे असा मोलाचा‎ सल्लाही या वेळी दिला.

या प्रसंगी जिल्हा‎ परिषदेच्या माजी सदस्य अलका देशमुख,‎ नांदुरा लष्करपूर गावचे प्रतिष्ठित नागरिक व‎ अमरावती तालुका संजय गांधी निराधार‎ योजनेचे अध्यक्ष हरीशभाऊ मोरे, नांदुरा‎ लष्करपूरचे सरपंच रघुनाथ सावळे, जितू‎ ठाकूर, अमित गावंडे आणि इतर मान्यवर‎ यांनीही शिबिराला भेट दिली.‎ महाविद्यालयाच्या वतीने प्राचार्य डॉ. विजय‎ दरणे यांनी आ. ठाकूर यांचा शाल, श्रीफळ‎ देऊन सत्कार केला. या प्रसंगी राष्ट्रीय सेवा‎ योजनेचे कार्यक्रम अधिकारी डॉ. गोविंद‎ तिरमनवार, महिला कार्यक्रमाधिकारी डॉ.‎ सुनीता बाळापुरे, सह कार्यक्रमाधिकारी डॉ.‎ सुभाष पवार, विनायक पावडे आणि राष्ट्रीय‎ सेवा योजनेचे स्वयंसेवक आणि गावकरी‎ मोठ्या संख्येने उपस्थित होते.