दिव्य मराठी विशेष:विद्यार्थ्यांनी बनवली बहुपयोगी इलेक्ट्रिक स्पोर्टस् कार‎ ; चंदीगढ येथील स्पर्धेत सहभागी होणार‎

सोसायटी ऑफ ऑटोमोबाइल‎ इंजिनिअरिंग बहा क्लबद्वारे दरवर्षी‎ घेतल्या जाणाऱ्या स्पर्धेत शासकीय‎ अभियांत्रिकी महाविद्यालय,‎ अमरावतीच्या तृतीय व चतुर्थ‎ वर्षातील विद्यार्थ्यांनी एक‎ इलेक्ट्रिकवर चालणारी बहुपयोगी‎ स्पोर्टस कार बनविली आहे. बहा‎ क्लबच्या सर्व अटी व नियमांचे पालन‎ करून कमी खर्चात मजबूत इलेक्ट्रिक‎ कार बनवण्याचे आव्हान विद्यार्थ्यांनी‎ स्वीकारले व यशही मिळविले. ही‎ स्पोर्ट्स कार डोंगर, लहान ओढे, नाले‎ अशा कोणत्याही खडतर मार्गावरून‎ चालण्यास सक्षम आहे.‎

इलेक्ट्रीक वाहन बनवणाऱ्या‎ विद्यार्थ्यांची प्रथम योग्यता चाचणी व‎ मुलाखत घेतल्यानंतरच त्यांची‎ क्लबसाठी निवड करण्यात आली.‎ आता हे वाहन चंडीगढ येथे होणाऱ्या‎ स्पर्धेत सहभागी होणार असून,‎ वाहनासह विद्यार्थ्यांची टीम रवाना‎ झाली आहे.‎ निवड झालेल्या विद्यार्थ्यांचे‎ विविध गट तयार करून त्यातून प्रत्येक‎ गटाकडे ठराविक भाग तयार‎ करण्याची जबाबदारी सोपवण्यात‎ आली. इलेक्ट्रिक वाहन‎ बनवण्यासाठी डिझाइन ,ब्रेक,‎ सस्पेंशन, व्हेइकल डायनॅमिक अशा‎ विविध क्षेत्रात कामगिरी करावी‎ लागली. हे सर्व करत असताना या‎ टीमला प्रथम वेगवेगळ्या ऑनलाइन‎ फेऱ्या मध्ये यश मिळवून पात्रता सिद्ध‎ करावी लागली.

तसेच विद्यार्थ्यांना‎ इलेक्ट्रिक स्पोर्टस कारचे ‘सॉफ्ट‎ व्हर्जन’ बनवून बहा ने दिलेल्या‎ ट्रॅकवरून गाडी ऑनलाइन पद्धतीने‎ चालवून दाखवावी लागली. पात्र‎ ठरल्यानंतर विद्यार्थ्यांनी दिवस-रात्र‎ एक करून ८ दिवसांत कार तयार‎ केली.‎ ५ किलो व्हॅट, ४८ व्होल्ट बॅटरीवर‎ चालणारी पीएमएसएम मोटार या‎ वाहनाला जोडण्यात आली आली‎ आहे. याची क्षमता ही ७५ एनएम पीक‎ टाॅर्क तर किमान २५ एनएम नाॅमिनल‎ टाॅर्क आहे. या कारचे उद्घाटन‎ प्राचार्य डॉ. आशिष महल्ले यांच्या‎‎‎‎‎‎‎‎‎‎‎‎‎‎‎‎ हस्ते झाले. याप्रसंगी एस. ए. ई. बहा चे‎ समन्वयक डॉ. राजेश मेटकर तसेच‎‎‎‎‎‎‎‎‎‎‎‎‎‎‎‎ डॉ. शेटे आणि इतर प्राध्यापक‎ उपस्थित होते. मागील वर्षाचे पथक‎‎‎‎‎‎‎‎‎‎‎‎‎‎‎‎ प्रमुख, इतर सदस्यांनी हे वाहन‎ बनवताना परिश्रम घेतले.‎

शासकीय अभियांत्रिकी महाविद्यालय, अमरावतीच्या एस.ए.ई. बहा टीमने‎ बनविलेली बहुउपयोगी इलेक्ट्रिक कार.‎ टीमचे इतर सदस्य‎ मोहिनी देशमुख, अभिषेक मेश्राम,‎ ज्ञानेश्वर येवले , भगीरथ भट्ट,‎ एकता किशोर महाजन, अनुराग‎ देहलीवाले ,गौरव पतिंगे, रितेश‎ कुशवाह, संजना बोपचे, सुमित‎ पालवे, विशाखा अकोलकर,‎ गौरव मेश्राम, राज यादव, संकेत‎ ओगले,संकेत चोरे, श्रेया बोरकर,‎ आनंद घाडगे, कल्पेश अटळकर,‎ औवासे वाणी हे सर्व विद्यार्थी‎ रविवारी चंडीगढ येथे होणाऱ्या‎ स्पर्धेसाठी रवाना झाले आहेत.