गाडीची वारंवार‎ मागणी:नागपूर ते मडगाव रेल्वेला‎ 30 ऑक्टोबरपर्यंत मुदतवाढ‎

नागपूर ते मडगाव दरम्यान‎ धावणाऱ्या विशेष रेल्वे गाडीला ऑक्टोबर अखेरपर्यंत मुदतवाढ ‎देण्यात आली असून, विदर्भ ते ‎ ‎ कोकण जोडणारी ही गाडी आता‎ ३० ऑक्टोबरपर्यंत धावणार आहे.‎ विदर्भातून थेट कोकण रेल्वे ‎मार्गावर येण्यासाठी रेल्वे गाडी ‎नसल्यामुळे अशा गाडीची वारंवार‎ मागणी होत होती. गर्दीचा हंगाम‎ लक्षात घेऊन या मार्गावर विशेष‎ गाड्यांचे नियोजन रेल्वे‎ प्रशासनाकडून करण्यात येते.‎ गणेशोत्सवाच्या पार्श्वभूमीवर‎ नागपूर ते मडगाव आठवड्यातून‎ दोनदा धावणारी ही रेल्वे सप्टेंबर‎ अखेरपर्यंत साेडण्यात येणार होती.‎

मात्र या गाडीची मागणी लक्षात‎ घेऊन रेल्वेने आता ही गाडी ३०‎ ऑक्टोबरपर्यंत विस्तारित‎ करण्याचा निर्णय घेतला आहे.‎ सुधारित वेळापत्रकानुसार ही गाडी‎ नागपूर ते मडगावपर्यंत चालवली‎ जाणार आहे. त्यानुसार ही गाडी‎ नागपूर येथून बुधवारी तसेच‎ शनिवारी दुपारी ३ वाजून पाच‎ मिनिटांनी सुटून गुरुवार तसेच‎ रविवारी ती मडगावला दुसऱ्या‎ दिवशी सायंकाळी ५ वाजता‎ पोहोचणार आहे. मडगाव ते‎ नागपूर दरम्यान धावणारी ही गाडी‎ गुरुवार तसेच रविवारी मडगाव‎ येथून रात्री ८ वाजता सुटून दुसऱ्या‎ दिवशी रात्री साडेनऊ वाजता ती‎ नागपूरला पोहोचेल.

मडगाव ते‎ नागपूर दरम्यान धावताना ही गाडी‎ गुरुवार तसेच रविवारी मडगाव येथून रात्री ८ वाजता सुटून दुसऱ्या‎ दिवशी रात्री साडेनऊ वाजता ती‎ नागपूरला पोहोचेल. नागपूर ते‎ मडगाव या प्रवासात ही गाडी‎ वर्धा, पुलगाव, धामणगाव रेल्वे,‎ बडनेरा, अकोला, मलकापूर,‎ भुसावळ, नाशिक, इगतपुरी,‎ कल्याण, पनवेल, रोहा, खेड,‎ चिपळूण, रत्नागिरी, राजापूर,‎ कणकवली, कुडाळ, थिवी तसेच‎ करमाळी या स्थानकांवर थांबणार‎ आहे.‎

एक महिन्याच्या कालावधीत या‎ विशेष गाडीच्या दोन्ही बाजूच्या‎ मिळून १८ फेऱ्या होणार आहेत.‎ नागपूर ते मडगाव सुपरफास्ट‎ एक्स्प्रेसचा परिसरातील‎ अधिकाधिक प्रवाशांनी लाभ‎ घ्यावा, असे आवाहन प्रवासी‎ संघटना शेगाव अध्यक्ष शेखर‎ नागपाल, राष्ट्रीय रेल्वे प्रवासी‎ संघटना अध्यक्ष राजकुमार व्यास,‎ राष्ट्रीय रेल्वे महिला प्रवासी‎ संघटना शेगाव अध्यक्ष शबनम‎ शेख, वैभव बहुतूले, ओमकार‎ माळगावकर, हर्षद भगत,‎ अभिजीत धुरत, सूर्यकांत‎ वाघमारे, सुधीर राठोड, दीपक‎ सोनवणे यांनी केले आहे.