दिव्य मराठी विशेष:एनसीसी कॅडेट्सनी फेट्रा येथे राबवले पुनीत सागर अभियान‎

अकोल्यातील ११ महाराष्ट्र‎ बटालियनच्या एनसीसी कॅडेट्सनी‎ शुक्रवार, ३ जानेवारी रोजी फेट्रा येथे‎ ‘पुनीत सागर’ अभियान राबवले. या‎ अभियानात विद्यार्थ्यांनी काटेपूर्णा‎ नदीच्या परिसरात वरिष्ठांच्या‎ मार्गदर्शनात स्वच्छता अभियान‎ राबवत साचलेला प्लास्टिकचा‎ कचरा गोळा केला. या अभियानात‎ ११ महा. बटालियनचे कमांडिंग‎ ऑफिसर कर्नल विजय चौधरी,‎ लेफ्टनंट कर्नल सी. पी. भदोला,‎ श्रीमती साळुंकाबाई राऊत कला व‎ वाणिज्य महाविद्यालयाचे प्राचार्य‎ डॉक्टर देवेंद्र गावंडे यांच्या‎ मार्गदर्शनात महाविद्यालयाच्या‎ एनसीसी सब युनिटच्या ट्रूपचे‎‎‎‎‎‎‎‎‎‎‎‎‎‎ विद्यार्थी सहभागी झाले होते.‎ ‘पुनीत सागर’ अभियान‎ राबवण्यासाठी सर्व कॅडेट्स‎ महाविद्यालयातून सकाळी दहा‎ वाजता ग्राम फेट्रा येथील काटेपूर्णा‎ नदीच्या परिसरात पोहोचले.‎‎‎‎‎‎‎‎‎‎‎‎‎‎ दरम्यान, नदीलगत व परिसरात‎ साचलेला प्लास्टिकचा कचरा‎ विद्यार्थ्यांनी गोळा केला.

जमा‎ झालेला हा कचरा पुनर्वापरासाठी‎ अकोला येथील प्लास्टिक‎ रिसायकलिंग केंद्राला पाठवण्यात‎‎‎‎‎‎‎‎‎‎‎‎‎‎ आला आहे. या उपक्रमाच्या‎ यशस्वीतेसाठी लेफ्टनंट डॉ. सुनील‎ बोरचाटे, सिनियर अंडर ऑफिसर‎ अजय मस्के, ज्युनियर अंडर‎ ऑफिसर रोहिणी इंगोले, ज्युनियर‎ अंडर ऑफिसर गणेश शिंदे, सार्जंट‎‎‎‎‎‎‎‎‎‎‎‎‎‎ विकी पवार, एलसीपीएल तृप्ती‎ सिंकटवार, कॅडेट रितेश चव्हाण,‎ प्रशांत वानखडे, पुरुषोत्तम वैद्य,‎ नितेश सनीसे, वंश जामनिक‎ यांच्यासह ४० अन्य कॅडेट्सनी‎ परिश्रम घेतले.‎