तुरीला 6 ते 7 हजार:नवीन तूर आणि हरभरा‎ विक्रीसाठी बाजारात दाखल‎

यंदा खरिपात अतिवृष्टीमुळे मोठ्या प्रमाणात‎ सोयाबीनचे तसेच तुरीचे नुकसान झाले आहे.‎ त्यामुळेच शेतकऱ्यांनी रब्बी हंगामात हरभरा‎ मोठ्या प्रमाणात पेरला आहे. दरम्यान खरिपात‎ झालेल्या अतिवृष्टीमधून जी काही तूर वाचली‎ होती, ती तूर आता निघाली आहे. तसेच हरभरा‎ सुद्धा निघण्यास सुरूवात झाली आहे. त्यामुळे‎ सध्या कृषी उत्पन्न बाजार समितीमध्ये नवीन तूर‎ व हरभरा विक्रीसाठी आला असून, तुरीला‎ प्रतिक्विंटल ६ ते ७ हजार ३०० आणि हरभऱ्यास‎ प्रतिक्विंटल ४ हजार ते ४ हजार ४००‎ रुपयांदरम्यान भाव मिळत आहे.‎ अतिवृष्टीमुळे सोयाबीन, तूर आणि‎ कपाशीला फटका बसला होता.

त्यामध्ये तुरीचे‎ सर्वाधिक नुकसान झाले आहे. त्यामुळे तुरीच्या‎ उत्पादनात सुमारे ३५ टक्क्यांहून अधिक घट‎ आली आहे. मात्र त्यामधून वाचलेली तूर आता‎ निघायला सुरूवात झाली आहे. मागील आठ‎ दिवसांपासून बाजारात नवीन तूर विक्रीसाठी‎ शेतकरी घेऊन येत आहेत. सद्य:स्थितीत‎ दरदिवशी १ हजार ५०० ते २ हजार पोते तुरीची‎ आवक सुरू आहे. नवीन हरभरा अल्प प्रमाणात‎ विक्रीला येत आहेत.

बुधवारी (दि. १)येथील‎ बाजारात हरभऱ्यास प्रतिक्विंटल ४ हजार ते ४‎ हजार ४०० रुपये प्रतिक्विंटल तर तुरीला ६ ते ७‎ हजार ३०० रुपयांचा भाव मिळाला आहे. तुरीचे‎ नुकसान मोठ्या प्रमाणात झाले असले तरी‎ बाजारात भाव मात्र मागील वर्षी होता, तोच‎ मिळत आहे. सध्या हरभऱ्यालासुद्धा मागील वर्षी‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ असलेले दरच मिळत आहेत. त्यामुळे‎ शेतकऱ्यांचे नुकसान झाले असले तरी बाजारात‎ कृषी मालाला वाढीव भाव नाही, त्यामुळे‎ शेतकऱ्यांनी नाराजी व्यक्त केली आहे.‎ बाजार समितीमधील छायाचित्र.‎

सोयाबीनचा दरसुद्धा पाच ते‎ साडेपाच हजार रुपयांवरच‎ याचवेळी सोयाबीनचा दरसुद्धा यावर्षी‎ सुरूवातीपासून पाच ते सहा हजारांच्या‎ आसपास होता. समोर भाव वाढणार या आशेने‎ काही शेतकऱ्यांनी सोयाबीन विक्री करणे‎ थांबवले आहे मात्र अजूनही सोयाबीनच्या‎ भावात वाढ झाली नसून उलट दोन‎ महिन्यांपूर्वीच्या तुलनेत सोयाबीनचा दर कमी‎ झाला आहे. मंगळवारी बाजारात सोयाबीनला‎ प्रतिक्विंटल ४ हजार ९५० ते ५ हजार ३५० रुपये‎ दर मिळाला आहे. तसेच कापसाच्या दरात‎ सुद्धा वाढ झाली नसून, मागील‎ महिनाभरापासून कापूस प्रतिक्विंटल ८ हजार‎ १०० ते ८ हजार ३०० रुपयांवरच थंाबले आहेत.‎