विद्यार्थ्यांनी घेतले सूर्यनमस्काराचे धडे‎:विद्यापीठातील आजीवन अध्ययन व विस्तार विभागाच्या वतीने आयोजन‎

भारतीय संस्कृतीत सूर्योपासनेला‎ तसेच आरोग्यमय जीवनाला मोठे‎ महत्त्व आहे. सूर्योपासनेच्या‎ माध्यमातून निरोगी, आनंदमय‎ आणि उत्साही जीवन जगता येते. हा‎ दृष्टीकोन ठेवून भारतीय तिथीनुसार‎ माघ महिन्यातील रथसप्तमीला‎ (शुक्ल समाप्ती) आयोजित‎ सूर्यनमस्कार सप्ताहानिमित्त‎ विद्यार्थ्यांनी आरोग्यदायी‎ सूर्यनमस्काराचे धडे घेतले.‎ संत गाडगे बाबा अमरावती‎ विद्यापीठातील आजीवन अध्ययन‎ व विस्तार विभागातील एमए‎ योगशास्त्र, पीजी डिप्लोमा इन योगा‎ थेरपी आणि पीजी डिप्लोमा‎ नॅचरोपॅथी अॅण्ड यौगिक सायन्स या‎ अभ्यासक्रमाच्या संयुक्त विद्यमाने‎ सूर्यनमस्कार सप्ताहाचे आयोजन‎ केले होते. सप्ताहाच्या‎ उद्घाटनप्रसंगी अध्यक्षस्थानी प्रभारी‎ कुलगुरू डॉ. विजयकुमार चौबे,‎ प्रमुख पाहुणे म्हणून कुलसचिव डॉ.‎ तुषार देशमुख उपस्थित होते.

या‎ वेळी विद्यार्थ्यांनी स्वयंस्फूर्तीने भाग‎ घेऊन सूर्यनमस्कार घातले.‎ १२ सूर्यनमस्कार बिजमंत्रासह‎ घातल्यास वर्षभराची ऊर्जा साठवून‎‎‎‎‎‎‎‎‎‎‎‎‎‎ ठेवण्यास मदत होते. तसेच‎ सूर्यनमस्काराने शरीर लवचिक होऊन‎ हाडे मजबूत बनतात. ज्ञानेंद्रियामध्ये‎ चेतना निर्माण होते. त्यामुळेच योग‎ शास्त्रातही सूर्यनमस्काराचे वेगळे‎ महत्त्व आहे. विभागातील प्रा. प्रफुल्ल‎ गांजरे, प्रा. शिल्पा देव्हारे यांनी‎ प्रात्यक्षिकाद्वारे विद्यार्थी, कर्मचारी,‎ प्राध्यापकांकडून सूर्यनमस्काराचा‎ सराव करून घेतला. सूर्यनमस्कार‎ केल्याने शारीरिक, मानसिक, बौद्धिक,‎ सामाजिक आणि अध्यात्मिक असा‎ सर्वांगीण विकास साधला जातो.‎

आरोग्यासाठी सूर्यनमस्कार हा बहुगुणी‎ व्यायाम असून शरीर सुदृढ ठेवता येते.‎ एम. ए. योगशास्त्राच्या प्रा. शुभांगी‎ रवाळे, प्रा. स्वप्निल ईखार, प्रा.‎‎‎‎‎‎‎‎‎‎‎‎‎‎ स्वप्निल मोरे, पी.जी. डिप्लोमा इन‎ योगा थेरपीच्या डॉ. आश्विनी राऊत,‎ प्रा. राहुल दोडके, प्रा. संदीप महल्ले,‎ पी.जी. डिप्लोमा नॅचरोपॅथी आणि‎ यौगिक सायन्सच्या प्रा. अनघा‎ देशमुख, प्रा. आदित्य पुंड तसेच सर्व‎ अभ्यासक्रमाच्या विद्यार्थ्यांनी‎ सूर्यनमस्कार सप्ताहाचा लाभ‎ घेतला. आजीवन अध्ययन व‎ विस्तार विभागाचे संचालक डॉ.‎ श्रीकांत पाटील व क्रीडा व रंजन‎ विभागाचे संचालक डॉ. अविनाश‎ असणारे यांच्या उपस्थितीत हा‎ सप्ताह संपन्न झाला. कुलगुरू डॉ.‎ दिलीप मालखेडे यांना श्रद्धांजली‎ अर्पण करून सप्ताहाचा समारोप‎ करण्यात आला.‎