उपवर-वधू परिचय:नागपूर येथे पाराशर ब्राह्मण समाजाचा‎ उपवर-वधू परिचय मेळावा उत्साहात‎

पाराशर ब्राह्मण हितसंवर्धक‎ बहुउद्देशीय संस्थेच्या वतीने‎ राज्यस्तरीय उपवर-वधू तसेच‎ घटस्फोटित, विधवा-विधूर परिचय‎ मेळावा नागपूरस्थित खामला‎ परिसरातील सांस्कृतिक सभागृह येथे‎ पार पडले.‎ ‎ कार्यक्रमाच्या अध्यक्षस्थानी प्रसिद्ध‎ निवेदिका रेणुका देशकर, प्रमुख पाहुणे‎ म्हणून स्त्रीरोग व प्रसूती तज्ज्ञ डॉ.‎ चैतन्य शेंबेकर, मार्गदर्शक म्हणून‎ भाजयुमोच्या प्रदेश महामंत्री शिवानी‎ दाणी-वखरे यांची उपस्थिती होती.‎

कार्यक्रमाची सुरुवात भगवान‎ श्रीपरशुराम व महर्षि व्यास यांचे पूजन,‎ दीप प्रज्वलनाने करण्यात आली. डॉ.‎ शेंबेकर यांनी उपस्थित उपवर-वधूंना‎ संबोधित करताना त्यांना भावी‎ आयुष्यात आरोग्याविषयी माहिती‎ दिली. शिवाणी दाणी-वखरे यांनी‎ उपस्थित पालक, पाल्यांना यथोचित‎ मार्गदर्शन केले. त्या म्हणाल्या की,‎ संसार सुखाचा करायचा असेल तर‎ आधी आपापल्या जबाबदारी‎ ओळखून आणि वेळ पडल्यास कधी‎ दोन पावले मागे येण्याची तयारी‎ ठेवली, तर संसारात वाद विवादाची‎ स्थिती निर्माण होणार नाही.

रेणुका‎ देशकर यांनी अध्यक्षीय भाषणातून‎ परिचय मेळाव्याचे महत्त्व विषद‎ करीत उपवर-वधूंना मार्गदर्शन केले.‎ यावेळी उपवर-वधूंच्या परिचय‎ पुस्तिकेचे अनावरण करण्यात आले.‎ त्यानंतर उपवर-वधूंनी सर्वांना‎ आपापला परिचय करून दिला.‎ मेळाव्यासाठी संपूर्ण राज्यभरातून ६००‎ ते ७०० समाज बांधवांची उपस्थिती‎ होती. प्रास्ताविक अभिषेक पाठक,‎ संचालन पूजा अवधूत, सुजाता‎ जोशी यांनी, तर आभार दत्तात्रय‎ शेगावकर यांनी मानले. कार्यक्रमाच्या‎ यशस्वीतेसाठी संस्थेचे अध्यक्ष प्रदीप‎ रहिसे, श्रीकांत तिवरखेडे, गजानन‎ माहुलकर, अभिषेक पाठक, दत्तात्रय‎ शेगावकर, शाम लांबे, प्रफुल्ल‎ ताम्हणे, प्रविण गोधे, विनोद रयसे,‎ पल्लवी नानोटी, संगीता हेडाऊ,‎ रोहिणी मोहरील, राहुल ठेंगडी, पूजा‎ अवधूत तसेच वधूवर परिचय‎ समितीचे अध्यक्ष दिवाकर लांबे,‎ कविता पांडे आदींसह सर्व सदस्यांनी‎ अथक परिश्रम घेतले.‎