विद्यापीठातून:आयुष्य जगण्यासाठी सकारात्मकता‎ महत्त्वाची; कार्यशाळेतून ऊर्जा शक्य‎

आयुष्य जगण्यासाठी सकारात्मकता महत्त्वाची‎ असते. कार्यशाळेतून सकारात्मक ऊर्जा‎ मिळाल्याने चांगले वाटले. शिकवताना मलाही‎ एक वेगळा आनंद मिळाला, परंतु ज्यांना मी‎ दोन दिवस प्रशिक्षण दिले, त्यांना काय वाटते,‎ त्यांनी काय अनुभवले हे ऐकताना मला‎ अधिक आनंद होईल, असे प्रतिपादन अभिनेत्री‎ शर्वरी जमेनिस यांनी केले. संत गाडगेबाबा‎ अमरावती विद्यापीठातील प्रादर्शिक कला‎ विभागाच्यावतीने आयोजित नृत्य शैलीतील‎ खलनायकावर आधारित गतभाव या विषयावर‎ दोन दिवसीय कथ्थक कार्यशाळेचा नुकताच‎ समारोप झाला. त्या प्रसंगी कार्यशाळेतील‎ अनुभव व्यक्त करताना त्या बोलत होत्या.‎ कार्यक्रमाच्या अध्यक्षस्थानी संस्कार‎ भारतीचे अमरावतीचे क्षेत्रीय प्रमुख अजय‎ देशपांडे, प्रमुख अतिथी म्हणून अभिनेत्री शर्वरी‎ जमेनिस, प्रादर्शिक कला विभागाचे समन्वयक‎ आर. एम. जाधव, नृत्यशास्त्र विभागाचे डॉ.‎‎‎‎‎‎‎‎‎‎‎‎‎‎ मोहन बोडे यांची व्यासपीठावर उपस्थिती‎ होती.

अध्यक्षीय भाषणात अजय देशपांडे‎ म्हणाले, कलावंत हा साधना करीत असतो.‎ मग ती कोणतीही कला असो. कला ही‎ सातासमुद्रापार घेऊन जाते. कलेला कोणतेही‎ बंधन नसते, असे म्हणून त्यांनी कलावंत‎ विद्यार्थ्यांना शुभेच्छा दिल्या. अल्पावधीतच‎ प्रादर्शिक कला विभागाला सर्व सोयीयुक्त‎‎‎‎‎‎‎‎‎‎‎‎‎‎ दालन नृत्याकरीता तयार करण्यात आलेले‎ आहे. याचा विद्यार्थ्यांनी जास्तीत जास्त‎ लाभ घ्यावा आणि प्रवेश घ्यावेत, असे‎ आवाहन केले. पुढच्या वर्षी सुध्दा अशाच‎ प्रकारे कथ्थक नृत्यातील विविध घटकांवर‎ कार्यशाळा घेण्यात येतील, असे समन्वयक‎ आर. एम. जाधव यांनी सांगीतले. या‎ कार्यक्रमाचे सूत्रसंचालन प्रा. सुवर्णा गाडगे,‎‎‎‎‎‎‎‎‎‎‎‎‎‎ तर आभार प्रा. प्रियंका जोशी यांनी मानले.‎

कार्यक्रमाच्या यशस्वीतेकरिता डॉ. मोहन‎ बोडे, डॉ. अनंत देव, प्रा. अमोल अढाव,‎ अनिल पानबुडे, सुनील उज्जैनकर, प्रा.‎ विद्या सावळे, प्रा. प्रियंका जोशी, अमृता‎ जटाळे, राजेश बोडे, विश्वनाथ निळे, राजू‎ इंगोले, रसिका जोशी, रचना गरीबे, वैशाली‎ इंगोले तसेच सर्व विद्यार्थ्यांनी परिश्रम घेतले.‎

विद्यार्थिनींच्या नृत्याने‎ केले मंत्रमुग्ध‎
या प्रसंगी प्रशिक्षणार्थी वैभवी बोडे, किर्ती‎ डोंगरकर व पूजा देव यांनी उपस्थित‎ मान्यवरांसमोर नर्सिंग बोडे यांच्या रचनेवर‎ तराणा हा शास्त्रीय नृत्याचा प्रकार‎ उत्तमरित्या सादर करुन उपस्थितांची दाद‎ मिळविली. यावेळी तबल्यावर शैलेंद्र‎ बोडे, हार्मोनियमवर हेमंत बोडे यांनी‎ साथसंगत दिली.‎