आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

पाहणी‎:पुणे येथे 65 व्या महाराष्ट्र केसरी कुस्ती स्पर्धेची‎ तयारी सुरू : खासदार तडस यांनी केली पाहणी‎

अमरावती‎एका महिन्यापूर्वी
  • कॉपी लिंक

पुण्यातील कोथरूड येथे १० ते १४‎ जानेवारी दरम्यान ६५ व्या महाराष्ट्र केसरी‎ कुस्ती स्पर्धेचे पुण्याचे महापौर‎ मुरलीअण्णा मोहोड यांचा पुढाकाराने‎ आयोजन होत आहे. स्पर्धेच्या तयारीचा‎ राज्य कुस्तिगीर परिषदेचे अध्यक्ष खा.‎ रामदास तडस, उपाध्यक्ष डाॅ. संजय‎ तीरथकर, अर्जुन पुरस्कार विजेते काका‎ पवार यांनी प्रत्यक्ष आढावा घेतला.‎ भरघोस पुरस्कार हे या स्पर्धेचे विशेष‎ आकर्षण आहे.‎

६० लाखाची रोख पारितोषिके, ,प्रत्येक‎ वजन गटात सुवर्ण पदकासह बुलेट‎ मोटारसायकल, २० वजन गटात २० बुलेट,‎ महाराष्ट्र केसरी बहुमान पटकावणाऱ्याला‎ थार महेंद्रा कंपनीची कार, ५ लाख रु. रोख‎ व चांदीची गदा तसेच उपविजेत्याला रोख‎ २.५ लाख, ट्रॅक्टर पुरस्कारस्वरूप दिला‎ जाईल. प्रत्येक गटातील उपविजेत्या‎ पहिलवानाला २५ हजार रुपये, तृतीय‎ क्रमांक पटकावणाऱ्याला १५ हजार रु. दिले‎ जातील.

त्याचप्रमाणे ७० हजार प्रेक्षक‎ बसण्याची व्यवस्था व खेळाडूंना‎‎‎‎‎‎‎‎‎‎‎‎‎‎‎ खेळण्यासाठी तीन मेट मॅच व्यवस्था व‎ माती विभागासाठी दोन लाल मातीचे मैदान‎ असे एकूण पाच मैदाने राहतील. सुमारे १‎ हजार पहिलवान, ११० पंच, १००‎ पदाधिकाऱ्यांच्या उपस्थितीत ही कुस्ती‎ स्पर्धा होणार आहे.‎ या कुस्ती स्पर्धेचे उद्घाटनाला प्रदेश‎ भाजप अध्यक्ष चंद्रशेखर बावनकुळे,‎ उच्च शिक्षण मंत्री चंद्रकांत पाटील‎ ,महाराष्ट्र राज्य कुस्तिगीर परिषदेचे‎ अध्यक्ष खा. रामदास तडस व १४‎‎‎‎‎‎‎‎‎‎‎‎‎‎‎ जानेवारी रोजी अंतिम लढतीसह पुरस्कार‎ वितरण समारंभाला मुख्यमंत्री एकनाथ‎ शिंदे, उपमुख्यमंत्री देवेंद्र फडणवीस,‎ क्रीडामंत्री गिरीश महाजन हे मान्यवर‎ उपस्थित राहणार आहेत.‎ स्पर्धा यशस्वी करण्याच्या दृष्टीने विविध‎ बाबींवर चर्चा करण्यात आली.‎ खेळाडूंसाठी उत्तम राहण्याची व जेवणाची‎ व्यवस्था केली जाणार असल्याची माहिती‎ पंचम विदर्भ केसरी व परिषदेचे उपाध्यक्ष‎ डाॅ. संजय तीरथकर यांनी दिली.‎

बातम्या आणखी आहेत...