दिव्य मराठी विशेष:रेशन दुकानात आता फोर जी ई -पॉस मशीन

शासकीय स्वस्त धान्य दुकानात‎ कार्यान्वित असलेल्या जुन्या टू-जी‎ ई-पॉस मशीन मधील तांत्रिक‎ त्रुटींमुळे धान्य वितरणात येणाऱ्या‎ अडचणीबाबत रेशन‎ दुकानदाराकडून सातत्याने ओरड‎ होती. त्यांची दखल घेत आता‎ पुरवठा विभागाकडून रेशन‎ दुकानदारांना लवकरच फोर जी ई‎ -पॉस मशीन उपलब्ध करून दिली‎ जाणार आहे. त्यामुळे धान्य‎ वितरण व्यवस्थेत गतिमानता येणार‎ आहे. लाभार्थ्यांना आता तांत्रिक‎ अडचणींचा सामना करावा‎ लागणार नाही. त्यामुळे नागरिकांना‎ त्यांच्या हिश्श्याचे रेशन तत्काळ‎ मिळणार आहे.‎ १ मे २०१८ पासून ई-पॉस‎ मशीनच्या माध्यमातून रेशनकार्ड‎ धारकांना धान्य वितरण सुरू केले‎ जात आहे. मात्र, याकरिता‎ असलेल्या ई- पॉस मशिनमध्ये‎ तांत्रिक अडचणीमुळे त्वरित थंब‎ इम्प्रेशन होत नव्हते.

एका‎ शिधापत्रिका धारकाला १० ते १५‎ मिनिटे वेळ द्यावा लागत होता.‎ अनेक ई-पॉस मशीन मधील सीम‎ कार्ड निरुपयोगी झाले असून, रेशन‎ दुकानदार मोबाइलद्वारे हॉट स्पॉट‎ वापरून धान्य वितरण करावे‎ लागत होत. मशीन मधील तांत्रिक‎ बिघाडामुळे रेशन दुकानदारांना‎ शिधा वाटप करताना अडचणी‎ आल्या. या पार्श्वभूमीवर रेशन‎ दुकानात आता टूजीऐवजी फोर जी‎ ई-पॉस मशीन उपलब्ध करून‎ दिली जाणार आहे. तसेच ग्राहक‎ आणि रेशन दुकानदार यांच्यात‎ धान्य वितरणातील‎ विस्कळीतपणामुळे अनेकदा‎ वादही होतात.

त्यामुळे आता रेशन‎ वितरण प्रणालीत पारदर्शकता‎ येणार आहे. अन्न नागरी पुरवठा‎ विभागामार्फत रेशन दुकानात‎ पुरवण्यात आलेल्या टू-जी ई-पॉस‎ मशीन ऐवजी लवकरच फोर ची‎ स्पीड असलेली ई-पॉस मशीन‎ उपलब्ध करुन दिली जाणार आहे.‎ त्यामुळे स्वस्त धान्य वितरण‎ करताना येणाऱ्या अडचणींवर‎ आता मात करता येणे शक्य होणार‎ आहे. ग्राहकांची होणारी धान्य‎ घेण्यासाठी गर्दी आणि लांबच लांब‎ रांग आता काही अंशी कमी होणार‎ आहे. लवकरच याची‎ अंमलबजाणी होणार आहे, असे‎ पुरवठा विभागाच्या सूत्रांनी‎ सांगितले.‎

लाभार्थ्यांची सोय होईल‎
फोर-जी मशीन उपलब्ध करून देण्यासंदर्भात‎ शासन स्तरावर हालचाली सुरु आहेत. ही यंत्रणा‎ उपलब्ध झाल्यानंतर रेशन दुकानदारांची‎ लाभार्थ्यांची सोय होणार आहे.‎ - सुरेश उल्हे पाटील, स्वस्त धान्य दुकानदार‎ वेल्फेअर संघ‎, अमरावती.‎