प्रेमजाळ्यात ओढले:मदत करण्याचे आमिष‎ दाखवून विभक्त महिलेवर वारंवार अत्याचार, पोलिसाविरुद्ध गुन्हा‎ दाखल

पतीपासून विभक्त असलेल्या एका महिलेला‎ विविध प्रकारचे तसेच मदत करण्याचे आमिष‎ दाखवून तिला प्रेमजाळ्यात ओढले. त्यानंतर‎ शहरासह बाहेर विविध ठिकाणी नेऊन बलात्कार‎ केल्याचा आरोप एका पीडितेने केला आहे. या‎ प्रकरणी कोतवाली पोलिसांनी सोमवारी (दि. ८)‎ एका चालक पोलिसाविरुध्द बलात्कार तसेच‎ विवीध कलमान्वये गुन्हा दाखल करुन त्याला‎ अटक केली आहे.‎

चालक पोलिस अजय सरोदे (५५, रा. प्रभू‎ कॉलनी) याच्याविरुद्ध गुन्हा दाखल झाला‎ आहे. अजय सरोदे हा शहर पोलिस‎ आयुक्तालयातील मोटर परिवहन विभागात‎ कार्यरत आहे. पीडितेच्या तक्रारीनुसार,‎ पीडिता मागील आठ ते नऊ वर्षांपासून‎ पतीपासून विभक्त आहे. दरम्यान तीने‎ पतीविरुद्ध स्थानिक न्यायालयात खावटीचा‎ दावा दाखल केला आहे. काही वर्षांपूर्वी ती‎ न्यायालयीन तारखेवर गेली असता पोलीस‎ चालक असलेल्या अजय सरोदेसोबत तिची‎ ओळख झाली.

त्यानंतर त्यांचे एकमेकांशी‎ बोलणे सुरू झाले. अशातच मागील दिड‎ वर्षांपासून त्याने पीडीत महिलेला लग्न करतो,‎ खावटीचे पैसे काढून देतो, असे आमिष‎ दाखवले. अशातच २०२१ च्या ऑक्टोबर‎ महिन्यापासून त्याने पिडित महिलेला‎ शहरातील विवीध लॉजसह शहराबाहेरील‎ वेगवेगळ्या लॉजवर नेले. तेथे त्याने‎ अनेकवेळा शारिरीक शोषण केले. ते करताना‎ त्याने स्वत:च्या मोबाईलमध्ये आक्षेपार्ह‎ छायाचित्रण देखील केल्याचा आरोप‎ पोलिसात दिलेल्या तक्रारीत पीडीत महिलेने‎ केला असून, कोतवाली पोलिस त्याबाबत‎ तपास करत आहेत.‎

हा प्रकार सहनशक्ती पलिकडे गेल्यामुळे‎ पिडीेतने सोमवारी दुपारी पोलीस आयुक्तालय‎ गाठले. तेथे पोलिस अधिकाऱ्यांना घडलेली‎ आपबीती सांगितली. त्यानंतर शहर कोतवाली‎ पोलिस ठाण्यात रात्री गुन्हा दाखल करण्यात‎ आला आहे. गुन्हा दाखल झाल्यानंतर पोलिसांनी‎ अजय सरोदेला अटक केली असल्याची माहिती‎ कोतवाली पोलिसांनी दिली आहे.‎