सत्कार समारंभ:ढाकुलगाव येथे मुख्याध्यापक नाहे यांना निवृत्ती निरोप‎

तालुक्यातील ढाकुलगाव येथील‎ जिल्हा परिषद पूर्व माध्यमिक मराठी‎ शाळेचे मुख्याध्यापक अरविंद नाहे‎ यांच्या निवृत्तीनिमित्त नुकताच‎ निरोप व सत्कार समारंभ आयोजित‎ करण्यात आला होता.‎ कार्यक्रमाच्या अध्यक्षस्थानी‎ ढाकुलगाव येथील ज्येष्ठ नागरिक‎ माकोडे गुरुजी, तर प्रमुख अतिथी‎ म्हणून गावचे सरपंच प्रभाकर‎ भुरभुरे, उपसरपंच विजय‎ कांडलकर, ग्रामपंचायत सदस्य‎ किशोर तितरे, मीना ठवकर,‎ अनिता उभाड, तंटामुक्ती समितीचे‎‎‎‎‎‎‎‎‎‎‎‎ अध्यक्ष विलास मोकलकर, पोलिस‎ पाटील महेश म्हात्रे उपस्थित होते.‎

या प्रसंगी गटशिक्षणाधिकारी‎ मुरलीधर राजनेकर, अजय बावणे,‎ गटसाधन केंद्राचे साधन व्यक्ती‎‎‎‎‎‎‎‎‎‎‎‎ शेषरावजी चव्हाण प्रामुख्याने‎ उपस्थित होते.‎ या प्रसंगी अरविंद नाहे यांचा‎ सपत्नीक शाल, श्रीफळ, भेटवस्तू‎ व सन्मानपत्र देऊन सत्कार‎‎‎‎‎‎‎‎‎‎‎‎ करण्यात आला. कार्यक्रमाचे‎ सूत्रसंचालन अजय नागरीकर, तर‎ आभार प्रदर्शन भारती बोबडे यांनी‎ केले. वंदे मातरम् गीताने‎ कार्यक्रमाची सांगता झाली.