समाजपयोगी उपक्रमांवर यंदा दिला भर:सामाजिक, धार्मिक कार्यक्रमांसह‎ भगवान महावीर यांना अभिवादन‎

जैन धर्मियांचे आस्था केंद्र असलेले‎ भगवान महावीर यांच्या जयंतीनिमित्त‎ आज, मंगळवारी शहरात विविध‎ सामाजिक व धार्मिक कार्यक्रम घेण्यात‎ आले. शोभायात्रा, रक्तदान शिबीर,‎ फळ वाटप, शरबत वितरण, प्याऊचा‎ प्रारंभ आदी लोकोपयोगी उपक्रमांच्या‎ माध्यमातून भगवान महावीर यांना‎ अभिवादन करण्यात आले.‎ सकाळी साडे सातच्या सुमारास‎ जुना सराफा बाजार-भाजीबाजार‎ स्थित जैन श्वेतांबर छोटा मंदिर येथून‎ शोभायात्रा काढण्यात आली. भगवान‎ महावीर यांची रथारुढ प्रतीमा व‎ सोबत जयघोष करणारे जैन समाज‎ बांधव अशी ही मिरवणूक होती.‎ आबाल-वृद्धांसह महिलांचा मोठ्या‎ प्रमाणात सहभाग हे या शोभायात्रेचे‎ वैशिष्ट्य ठरले. पुढे गांधी चौक,‎ राजकमल चौक, जयस्तंभ चौक,‎ जवाहर गेट असे मार्गक्रमण करीत‎ जैन श्वेतांबर बडा मंदिर येथे या‎ शोभायात्रेचा समारोप झाला.

वाटेत‎ जयस्तंभ चौक येथे दिवंगत पद्माबाई‎ पारसमल चोरडिया यांच्या स्मृत्यर्थ‎ त्यांचे सुपुत्र बिल्डर नवीन चोरडिया‎ यांनी स्थापन केलेल्या प्याऊचे‎ उद्घाटन करण्यात आले.‎ प्याऊ सुरु करण्याचे हे सलग २२ वे‎ वर्ष आहे. माजी पालकमंत्री डॉ.‎ सुनील देशमुख यांच्या हस्ते या‎ प्याऊचे उद्घाटन करण्यात आले.‎ यावेळी इतर मान्यवरही उपस्थित‎ होते.‎ शोभायात्रेत जैन संस्कार युवा मंच,‎ जैन महिला फाऊंडेशन, नाकोडा‎ सेवा मंडल, राजापेठ मित्र मंडल,‎ विचक्षण सखी मंच, खरतरगच्छ‎ महिला संघ, ओसवाल जैन महिला‎ संघ, ओसवाल बहु मंडल, श्री‎ ओसवाल जैन नवयुवक संघ, जय‎ जैनम परिषद, श्री सुशिल बहु मंडल‎ आदीचे पदाधिकारी अॅड. विजय‎ बोथरा, राजेश चोरडिया, जीतूभाई‎ गोलछा, गौतम चोपडा, अजय‎ बुच्चा, कांतीभाई गाला, डॉ. रवींद्र‎ चोरडिया, कोमल बोथरा, मनीष‎ संकलेचा, गौरव लुनावत, किरण बैद,‎ सिद्धार्थ बोथरा, अंकीत बंबोरिया,‎ महेंद्र भंसाली, हरिश खिंवसरा‎ यांच्यासह असंख्य कार्यकर्ते सहभागी‎ झाले होते.‎