शौर्य दिन साजरा‎:मानवंदना, सांस्कृतिक कार्यक्रमांसह सावित्रीबाई फुले जयंती साजरी‎

गेल्या अकरा वर्षांपासून भीमा‎ कोरेगाव विजयस्तंभ प्रतिकृती‎ मांवनदना हा ऐतिहासिक कार्यक्रम‎ सायन्सकोर मैदान येथे आयोजित‎ करण्यात आला. यावेळी पहिल्या‎ दिवशी भीमा कोरेगाव प्रतिकृती‎ विजय स्तंभाला हजारो भीम‎ अनुयायांनी मांवनदना दिली.‎ त्यानंतर प्रबोधनकार अनिरुद्ध‎ वनकर यांचा प्रबोधनपर कार्यक्रम‎ पार पडला. दुसऱ्या दिवशी‎ सोमवारी( दि.२) रोजी सायंकाळी‎ एक हजार बुद्ध विहार समित्यांचा‎ सत्कार समारंभ तसेच चंद्रकांत‎ शिंदे, कडू खरात, कुणाल इंगळे,‎ अमोल घोडके, प्रशांत मोहिते आदी‎ महागायकांचा महासंग्राम असलेल्या‎ भीम गीतांच्या कार्यक्रमाने उपस्थित‎ नागरिकांची मने जिंकली. तर‎ मंगळवारी शेवटच्या दिवशी‎ क्रांतीज्योती सावित्रीबाई फुले यांची‎ जयंती साजरी करण्यात आली.‎

क्रांतिसूर्य महात्मा फुले आणि‎ सावित्रीबाई फुले यांना भारतरत्न‎ देण्याची मागणी यावेळी करण्यात‎ आली.‎ १ ते ३ जानेवारी दरम्यान झालेल्या‎ महामहोत्सवात पहिल्या दिवशी‎ रविवारी सायंकाळी समता सैनिक‎ दल, माजी सैनिकांसह शेकडो भीम‎ अनुयायांनी भीमा कोरेगांव‎ विजयस्तंभ प्रतिकृतीला परेड व‎ बिगुल वाजवून मानवंदना देण्यात‎ आली. दुसऱ्यादिवशी कार्यक्रमाचे‎ मुख्य आकर्षण म्हणून १८१८ च्या‎ शौर्य गाथेच्या लढाईचे सरसेनापती‎ सिद्धनाक यांचे बारावे वंशज मिलिंद‎ इनामदार उपस्थित होते.

तसेच या‎ दरम्यान समता सैनिक दलाचे पाच‎ दिवसीय निवासी प्रशिक्षण शिबीर‎ घेण्यात आले. याशिवाय समाज‎ प्रबोधनाचा कार्यक्रम पार पडला. २‎ जानेवारी रोजी दुपारी ४ वाजता‎ पासून १ हजार बुद्ध विहार समित्यांचा‎ सत्कार सोहळा तसेच मान्यवरांचा‎ सत्कार घेण्यात आला. रात्री आठ‎ वाजल्यापासून महागायकांचा‎ महासंग्राम कार्यक्रम पार पडला तर‎ आज ३ जानेवारी रोजी सकाळी ९‎ वाजता सावित्रीबाई फुले यांच्या‎ जयंती पर्वावर विविध कार्यक्रम‎ घेण्यात आले.

यावेळी माजी लेडी‎ गव्हर्नर कमल गवई, मंदाकिनी‎ बागडे, मेघा ढबाले, कोकिळा‎ वानखडे, आशा थोरात, कल्पना‎ मोरे, सोनल चव्हाण, सरपिता‎ तलवारे, त्रिवेणी मकेश्वर, भारती‎ गुडधे, अर्चना थोरात, वैशाली‎ पाटील, रेशमा सरदार, शीला इंगळे,‎ सुनीता गोळे, कुंदा डांगे, चंद्रकला‎ खांडेकर, रमा सोनोने, बेबी नितनवरे‎ आदी उपस्थित होते. संचालन‎ कांचन आडोळे तर आभार सोनल‎ चव्हाण यांनी केले.‎