स्त्री-शिक्षणाची‎ जाज्वल्य:सावित्रीबाईंच्या संघर्षाने महिलांचा‎ आत्मसन्मान वाढला : संगीता इंगोले‎

स्त्री-शिक्षणाची‎ जाज्वल्य ज्योत अखंड तेवत ठेवत ‎ सावित्रीबाई फुले यांनी‎ रूढी-परंपरांच्या अंधारात‎ चाचपडणाऱ्या स्त्रियांच्या ‎सबलीकरणाचा मार्ग प्रकाशमान‎ केला. त्यांचे संपूर्ण जीवन हे‎ सामाजिक उत्थानाचा वसा घेऊन ‎ शैक्षणिक आणि अस्पृश्यता निवारण कार्यासाठी समर्पित केले. देशाला ‎क्रांतीची नवी वाट दाखवणाऱ्या‎ ज्ञानज्योती सावित्रीबाई फुले यांच्या‎ संघर्षाने भारतीय महिलांचा‎ आत्मसन्मान वाढला, असे प्रतिपादन‎ सहयोग फाउंडेशनच्या अध्यक्षा‎ संगीता इंगोले यांनी मंगळवारी‎ सावित्रीबाई फुले यांच्या जयंतीदिनी‎ केले.‎

स्थानिक जुनी आययूडीपी वाशीम‎ सहयोग फाउंडेशनच्या जिल्हा‎ कार्यालयात सहयोग फाउंडेशन व‎ नारीशक्ती, बेटी बचाव बेटी पढाव‎ अभियान यांच्या संयुक्त विद्यमाने‎ जयंती कार्यक्रमाचे आयोजन केले‎ होते. या वेळी सहयोग फाउंडेशन‎ अध्यक्षा संगीता इंगोले, नारीशक्ती‎ फाउंडेशनच्या अमरजित कौर कपूर‎ व सदस्या वृषाली टेकाळे, रेखा‎ रावले, सिमरन हरचंदानी, कशिश‎ केसवणी, रितू केसवणी, संतोष‎ अग्रवाल, बेबी खडसे उपस्थित‎ होत्या.‎