प्रतिसाद‎:जिल्हा कृषी प्रदर्शनीत महापुरुषांचे‎ पुतळे,घरगुती वस्तू अन् बरेच काही‎

येथील सायन्स्कोर मैदानात सुरु असलेल्या‎ कृषी प्रदर्शनात महिला बचत गटांच्या‎ उत्पादनांना उत्स्फुर्त प्रतिसाद मिळत आहे.‎ कृषी विभाग व महिला आर्थिक विकास‎ महामंडळ यांच्या सहकार्याने हा महोत्सव‎ सुरू आहे. नैसर्गिक शेती, तृणधान्य व‎ जिल्हास्तरीय कृषी महोत्सवाचा आजचा‎ दुसरा दिवस आहे. हा महोत्सव ५ मार्चपर्यंत‎ चालणार आहे. यात भरडधान्यापासून तयार‎ करण्यात आलेले पौष्टिक व चविष्ट पदार्थ‎ विक्रीस उपलब्ध आहेत. या पदार्थांना‎ ग्राहकांचा चांगला प्रतिसाद मिळत आहे.‎ जिल्हा परिषदेचे मुख्य कार्यकारी‎ अधिकारी अविश्यांत पंडा यांच्या हस्ते‎ महोत्सवाचा शुभारंभ झाला. या माध्यमातून‎ ग्रामीण महिलांचे संघटन, त्यांची क्षमता‎ बांधणी, उद्योजकता विकास साध्य झाला.‎

महिलांमध्ये आत्मविश्वास वाढून त्यांचा‎ उद्योजकीय विकास घडवून आणण्याचा‎ उद्देश यशस्वी झाला. दरम्यान त्यांनी तयार‎ केलेल्या वस्तूंची बाजारपेठेशी सांगड घालून‎ देण्याचे काम सरकारमार्फत केले जाते.‎ स्वयंसहायता महिला बचत गटांनी येथे ४६‎ स्टॉल्स लावले आहेत. यापैकी ४० स्टॉलवर‎ विविध हस्तकलेच्या वस्तू तसेच तयार खाद्य‎ पदार्थ, धान्ये यांची विक्री सुरु आहे. तर‎ उर्वरित सहा स्टॉल्सवर महोत्सवातच‎ खानावळीचे स्टॉल्स लागले आहेत. बरेचदा‎‎‎‎‎‎‎‎‎ महिला बचतगट म्हटले की केवळ घरगुती‎ खाद्य पदार्थांची निर्मिती व विक्री होत‎ असावी, असे वाटते. परंतु एका बचत गटाने‎ एलएडी दिव्यांची निर्मिती करुन विक्री सुरु‎ केली आहे.‎ प्लास्टिकवर बंदी असल्यामुळे सर्वत्र‎ खरेदीसाठी कापडी पिशवीची मागणी होत‎ आहे. यासाठी महिला बचतगटांनी कापडी‎ पिशवींची निर्मिती उद्योग सुरु केला आहे.‎

घरचे कामकाज सांभाळून रिकाम्या वेळेत‎ गावातच महिला हा व्यवसाय करतात.‎ यामध्ये दैनंदिन वापरामध्ये तसेच इतर‎ कार्यक्रमांमध्ये वापरण्यात येणाऱ्या कापडी‎ पिशवी माफक दरात उपलब्ध आहेत. दहा‎ रुपयांपासून तीनशे रुपयांपर्यंत पिशवीची‎ किंमत आहे. मारकामाय स्वयंसहायता‎ महिला बचतगट, रिध्दपूर यांच्यामार्फत मुर्ती‎ काम व कुंभार काम व्यवसाय चालविला‎ जातो. दहा महिला एकत्रित येऊन मुर्ती काम‎ करतात. यामध्ये देवी-देवता, महापुरुषांच्या‎ आकर्षक व सुबक मूर्ती, पणत्या ग्राहकांचे‎ लक्ष वेधून घेत आहेत.‎