स्वावलंबानाचे धडे‎:अमरावती जिल्हा स्काऊट गाइड‎ मेळाव्यात " सेफला''चे विद्यार्थी‎

रेल्वे‎ अमरावती जिल्हा भारत स्काऊट‎ गाइडचा ३९ वा जिल्हा मेळावा वरुड‎ येथे न्यू इंग्लिश हायस्कूल येथे नुकताच‎ पार पडला. या मेळाव्यात जिल्ह्यातील‎ ७२ शाळांनी सहभाग नोंदवला होता.‎ त्यामध्ये सुमारे ८०० स्काऊट गाईड‎ सहभागी होते. यातच धामणगाव‎ एज्युकेशन सोसायटीद्वारा संचालित‎ सेठ फत्तेलाल लाभचंद हायस्कूलच्या‎ विद्यार्थ्यांनी सहभाग नोंदवला होता.‎ या मेळाव्यात सेफला हायस्कूलच्या‎ विद्यार्थ्यांसह विद्यालयाचे स्काऊट‎ शिक्षक विनायक कडू, कैलाश चौधरी,‎ पवन लांबाडे व मनोज राजनकर‎ हेसुद्धा सहभागी झाले होते. स्काऊट‎ गाईड चळवळीचे जनक लॉर्ड बेडन‎ पॉवेल यांनी सांगितलेले व्यायामाचे‎ प्रकार मेळाव्यादरम्यान सहभागी‎ स्काऊट व गाईड यांना समजावून‎ सांगितले. तसेच त्यांना त्यानुसार‎ व्यायामाचे धडे देण्यात आले.

त्यानंतर‎ तंबू निरीक्षण, विविध स्पर्धा,‎ ध्वजारोहण, समूहगीत स्पर्धा, बँड‎ संचालन स्पर्धा घेण्यात आल्यात.‎ गावातून शोभायात्रा काढण्यात आली.‎ विद्यार्थ्यांना स्वावलंबनाचे धडे‎ मिळावे, याकरिता मेळावा काळात‎ विद्यार्थ्यांचे तंबूमध्ये वास्तव्य राहते.‎ विद्यार्थी स्वतः स्वयंपाक करतात.‎ त्यामध्ये बिना भांड्याचा स्वयंपाक‎ यासारख्या स्पर्धा घेतल्या. यात विद्यार्थी‎ गटाप्रमाणे सांस्कृतिक कार्यक्रम‎ आयोजित केले गेले. या मेळाव्यात‎ सेफला हायस्कूलच्या विद्यार्थ्यांनी‎ विविध स्पर्धेत सहभाग नोंदवल्याबद्दल‎ त्यांना पारितोषिक व प्रमाणपत्र देण्यात‎ आले. मेळाव्यात सहभागी विद्यार्थ्यांचे‎ व स्काऊट शिक्षकांचे प्राचार्य गणेश‎ चांडक, उपप्राचार्य प्रशांत शेंडे,‎ पर्यवेक्षक गोपाल मुंधडा व विद्यालयाचे‎ सर्व शिक्षक व शिक्षकेतर कर्मचारी‎ यांनी अभिनंदन केले.‎