टेबल टेनिस स्पर्धेचे उद््घाटन‎:विद्यार्थ्यांची खेळामध्येही‎ असावी गोडी : हबलानी‎

अभ्यासासोबतच विद्यार्थ्यांची‎ खेळामध्येही रुची असणे आवश्यक‎ असल्याचे प्रतिपादन एडीफाय‎ शाळेचे संस्थाध्यक्ष पुरणलाल‎ हबलानी यांनी केले. एडीफाय‎ शाळेमध्ये सी. बी. एस. सी. क्लस्टर‎ ९ व्या टेबल टेनिस स्पर्धेचे सोमवारी‎ (दि. १२) उद््घाटन पार पडले. त्या‎ प्रसंगी मार्गदर्शन करताना बोलत‎ होते. या प्रसंगी त्यांनी या स्पर्धेमध्ये‎ सहभागी सर्व खेळाडूंचे त्यांनी‎ कौतुक केले.‎ या कार्यक्रमाला प्रमुख अतिथी‎ म्हणून संत गाडगे बाबा अमरावती‎ विद्यापीठाच्या क्रीडा व शारीरिक‎ शिक्षण विभागाचे संचालक डॉ.‎ अविनाश असनारे, संस्थेच्या‎ संचालक नीरू कपाई, व्यवस्थापक‎ व सचिव रोहन कपाई, कोषाध्यक्ष‎ शिवारामा कृष्णा, प्राचार्य‎ डॉ.चैताली कुमार, संस्थेचे प्रमुख‎ सदस्य रवी इंगळे यांची‎ व्यासपीठावर उपस्थिती होती. दीप‎ प्रज्वलनाने कार्यक्रमाची सुरूवात‎ करण्यात आली. त्यानंतर मार्च पास‎ करण्यात आला. मान्यवरांच्या हस्ते‎ मशाल पेटवून स्पर्धेचे उद््घाटन‎ करण्यात आले.

या प्रसंगी अभिराज‎ भट्टड, कुंज हबलानी व समीर‎ पिंजारी यांनी पेटत्या मशालीने‎ क्रीडांगणाला फेरी मारली. या‎ प्रसंगी विद्यार्थ्यांनी नृत्याविष्कारातून‎ भारतीय एकतेचे दर्शन घडवले.‎ मान्यवरांनी समयोचित मार्गदर्शन‎ करीत सभेत सहभागी खेळाडूंना‎ शुभेच्छा दिल्यात. वंदे मातरम‎ गीताने कार्यक्रमाची सांगता‎ करण्यात आली. या प्रसंगी मोठ्या‎ संख्येने शिक्षक, खेळाडू उपस्थित‎ होते. स्पर्धेमध्ये संपूर्ण राज्यातून ३०‎ वर मुला-मुलींचे संघ सहभागी‎ झाले आहेत.‎

एडीफाय शाळेमध्ये महाराष्ट्र व‎ गोवा रिजनच्या संयुक्त सहकार्याने‎ ९ व्या सीबीएससी क्लस्टर १४, १७‎ व १९ वर्षे वयोगटातील चार‎ दिवसीय टेबल टेनिस स्पर्धांना‎ सोमवारपासून (दि. १२) प्रारंभ‎ झाला आहे. यामध्ये महाराष्ट्र व‎ गोवासह एकूण २५ शाळांमधील‎ विद्यार्थी सहभागी झाले आहेत.‎ स्पर्धेसाठी १४, १७ व १९‎ वयोगटातील मुलांच्या प्रत्येक‎ चमुमध्ये जास्तीत जास्त ४ व‎ कमीत कमी ३ खेळाडू, तर‎ मुलींच्या प्रत्येक चमुत जास्तीत‎ जास्त ४ व कमीत कमी २‎ खेळाडूंना आमंत्रित केले आहे.‎