व्यसनमुक्ती:विद्यार्थ्यांनी आपल्या करिअरकडे लक्ष‎ देऊन स्वत:च्या पायांवर उभे राहावे‎

विद्यार्थी जीवनात अनेक युवक व युवती‎ व्यसनांच्या आहारी जातात, त्यामुळे त्यांचे‎ पूर्ण आयुष्य उद्ध्वस्त होते. प्रेमाच्या‎ नावावर युवक व युवती चुकीच्या मार्ग‎ स्वीकारत आपले करिअर बरबाद करतात.‎ आज अनेक युवक व युवती चौकात‎ चुकीचे काम करताना दिसतात, तेव्हा‎ आम्ही त्यांना त्यांच्या चुकीची जाणीव‎ करून देतो. प्रत्येक व्यक्तीच्या आयुष्यात‎ शालेय व महाविद्यालयीन दिवस महत्त्वाचे‎ असतात. म्हणून विद्यार्थ्यांनी करिअरकडे‎ लक्ष देत आपल्या पायांवर सक्षम उभे‎ रहावे, असे प्रतिपादन येथील पोलिस‎ ठाण्याच्या पोलिस उपनिरीक्षक अनुराधा‎ पाटेखेडे यांनी केले. दर्यापूर येथील‎ शासकीय आयटीआय महाविद्यालयात‎ नेहरू युवा केंद्रद्वारा आयोजित‎ व्यसनमुक्ती जागरूकता, व्यक्तिमत्त्व‎ विकास व करिअरच्या संधी या‎ कार्यक्रमात प्रमुख पाहुणे म्हणून‎ पीएसआय पाटेखेडे बोलत होते.‎

कार्यक्रमाला अध्यक्ष म्हणून‎ महाविद्यालयाचे प्राचार्य आर. एस.‎ शेंगोकर, प्रमुख पाहुणे म्हणून नेहरू युवा‎ केंद्राच्या जिल्हा युवा अधिकारी स्नेहल‎ बासुतकर, प्रमुख मार्गदर्शक वक्ता म्हणून‎ प्रा. धनंजय देशमुख, योग शिक्षक प्रकाश‎ तायडे, प्रा. दिलीप साखरे आदी उपस्थित‎ होते. सुरवातीला दीपप्रज्वलन व पाहुण्यांचे‎ वृक्ष भेट देत कार्यक्रमाला सुरूवात झाली.‎ या प्रसंगी प्रमुख वक्ते धनंजय देशमुख‎ यांनी युवकांना व्यसनमुक्त करायचे‎ असेल, तर त्यांना महापुरुषांचे विचार‎ अंगीकारणे गरजेचे आहे.

युवकांनी‎ आपली स्वतःची परिस्थिती बदलण्यासाठी‎ स्वतःच प्रयत्न करून एक भारतीय सुजाण‎ नागरिक म्हणून समाजात आपले नाव‎ कमवावे, असे मत व्यक्त केले. योग‎ शिक्षक प्रकाश तायडे यांनी योगाचे महत्त्व‎ व व्यसनांचे दुष्परिणाम या बाबत उपस्थित‎ विद्यार्थ्यांना माहिती दिली. प्रा. दिलीप‎ साखरे यांनी आजच्या काळातील तरुण‎ यावर आपल्या मनोगतात भाष्य केले.‎ कार्यक्रमाचे प्रास्तविक तालुका‎ समन्वयक मनीषा दुदंडे यांनी केले.‎ सूत्रसंचालन राजश्री पाचखंडे, तर आभार‎ प्रदर्शन पायल बैतुले यांनी केले. या प्रसंगी‎ आयटीआयचे विद्यार्थी व विद्यार्थिनी व‎ प्राध्यापक वृंद मोठ्या संख्येने उपस्थित‎ होते.‎