सांगळुदकर महाविद्यालयात पार पडली कार्यशाळा‎:विद्यार्थ्यांनी घेतले नैसर्गिक‎ रंग तयार करण्याचे धडे‎

स्थानिक जे. डी. पाटील सांगळुदकर‎ महाविद्यालयातील रसायनशास्त्र‎ विभागाच्या वतीने सोमवारी (दि. ६)‎ बी. एस्सी.च्या विद्यार्थ्यांकरिता‎ नैसर्गिक रंग बनवण्याची कार्यशाळा‎ पार पडली. या वेळी विद्यार्थ्यांना‎ प्रात्यक्षिकाद्वारे नैसर्गिक रंग कसे तयार‎ करावेत, याचे धडे देण्यात आले.‎ यासोबतच धुलीवंदनाकरिता लागणारे‎ रंग नैसर्गिकरित्या घरच्या घरी कसे‎ तयार करतात या बाबत प्रा. शुभांगी‎ सोनोने यांनी मार्गदर्शन केले.‎ विद्यार्थ्यांनी किमान एका‎ परिवाराला होळीसाठी पाण्याचा‎ अपव्यय टाळून नैसर्गिक रंग वापरून‎ रंगपंचमीचा खरा आनंद लुटावा,‎ यासाठी प्रोत्साहन द्यावे, असे मार्गदर्शन‎ महाविद्यालयाचे प्राचार्य डॉ. अतुल‎ बोडखे यांनी केले.

कार्यशाळेला‎ रसायनशास्त्र विभागाचे डॉ. अनिल‎ सोमवंशी, प्रा. राहुल सावरकर, डॉ.‎ अपर्णा दिघडे, प्रा. शुभांगी सोनोने,‎ सुनील काळे व विद्यार्थी उपस्थित होते.‎ नैसर्गिक रंगाचा वापर करूनच धुळवड‎ खेळण्याची शपथ विद्यार्थ्यांना या‎ प्रसंगी देण्यात आली. कार्यशाळेबद्दल‎ समाधान व्यक्त करीत नैसर्गिक रंगाचे‎ महत्त्व समाजापर्यंत पोहोचवण्याचे‎ काम करू, असा निश्चय विद्यार्थ्यांनी‎ या वेळी केला.