गुन्हा दाखल:कारागृहातील कैद्याचा‎ आत्महत्येचा प्रयत्न‎

मध्यवर्ती कारागृहात अल्पवयीन‎ मुलीवर अत्याचार केल्याच्या‎ आरोपात शिक्षा भोगत असलेल्या ‎युवराज पिल्ले नामक कैद्याने‎ बुधवारी स्वतःच्या गळ्यावर ब्लेडने‎ वार करून आत्महत्येचा प्रयत्न‎ केला. कारागृह अधीक्षक भारत‎ भोसले यांच्या तक्रारीवरून फ्रेजरपुरा ‎पोलिसांनी गुन्हा दाखल करून तपास ‎ ‎ सुरू केला आहे.‎ मुंबई येथील गोरेगाव फिल्म‎ सिटीमध्ये राहणारा आरोपी युवराज‎ उर्फ सूर्या सेलवन पिल्लेच्या(२७)‎ विरोधात आठ वर्षांआधी मुंबई येथे‎ अल्पवयीन मुलीवर अत्याचाराच्या‎ आरोपात गुन्हा दाखल झाला होता. २‎ ऑगस्ट २०१९ मध्ये बोरीवली येथील‎ न्यायालयाने त्याला आजीवन‎ कारावासाची शिक्षा सुनावली होती.‎ ‎ ‎ ‎ त्यानंतर मुंबई येथील या आरोपीला‎ अमरावती येथील मध्यवर्ती‎ कारागृहात पाठवण्यात आले. आज‎ अचानक त्याने तोंडात लपवलेले‎ ब्लेड काढून स्वतःच्या मानेवर वार‎ केले. यामुळे तो गंभीर जखमी झाला.‎ त्याला उपचारार्थ तत्काळ जिल्हा‎ सामान्य रुग्णालयात दाखल‎ करण्यात आले.‎

अधिकारी, कर्मचाऱ्यांचे‎ घेणार बयाण‎
मध्यवर्ती कारागृहातील‎ अधीक्षकांनी दिलेल्या लेखी‎ तक्रारीच्या आधारे युवराज पिल्ले‎ विरोधात गुन्हा दाखल केला असून,‎ याप्रकरणी संबंधित अधिकारी व‎ कर्मचाऱ्यांचे बयाण घेतले जाईल.‎ गोरखनाथ जाधव, पोलिस‎ निरीक्षक फ्रेजरपुरा.‎