उद्घाटन:तंत्रज्ञानाचा वापर सर्वसामान्यांचे‎ जीवन सुखकर करण्यासाठी व्हावा‎ ; डॉ. चंद्रकांत रागीट यांचे प्रतिपादन

‎ विज्ञान हे सर्वसामान्य नागरिकांपर्यंत‎ पोहोचायला हवे, परंतु त्यासाठी ते‎ वैज्ञानिक परिभाषेतून बाहेर काढून सोप्या‎ शब्दांमध्ये मांडणे आवश्यक आहे आणि‎ हीच विज्ञान प्रसारकांची मोठी जबाबदारी‎ आहे. विज्ञान तंत्रज्ञानाचा वापर‎ सर्वसामान्यांचे जीवन अधिक सुखकर‎ करण्यासाठी व्हावा व त्यातून मोठ्या‎ प्रमाणात समाजहित साधले जावे हेच‎ आहे, असे प्रतिपादन प्रदर्शन कक्षाचे‎ उद््घाटक महात्मा गांधी आंतरराष्ट्रीय हिंदी‎ विश्व विद्यालयाचे प्र-कुलगुरू डॉ.‎ चंद्रकांत रागीट यांनी केले.

अभियांत्रिकी,‎ विज्ञान, कृषी क्षेत्रातील विद्यार्थ्यांनी‎ संशोधनातून साकारलेल्या तंत्रविषयक‎ आविष्काराला एक व्यासपीठ उपलब्ध‎ होण्यासाठी अखिल भारतीय विद्यार्थी‎ परिषद आणि सृजन संस्था यांच्या वतीने‎ सिपना अभियांत्रिकी व तंत्रज्ञान‎ महाविद्यालयात शुक्रवारी (दि. ७)‎ डीपेक्स-२०२३ प्रदर्शनाचे उद््घाटन‎ करण्यात आले. त्या प्रसंगी मार्गदर्शन‎ करताना ते बोलत होते.‎ प्रदर्शनीच्या उद््घाटनप्रसंगी प्रमुख‎ पाहुणे म्हणून प्रिती सावजी, अनुराधा‎ बहुउद्देशीय संस्थेचे सचिव विजय गरकल,‎ अखिल भारतीय विद्यार्थी परिषदेचे‎ अमरावती महानगर अध्यक्ष डॉ. श्याम‎ मुंजे, महानगर मंत्री सावनी सामदेकर‎ उपस्थित होते. अभियांत्रिकी,विज्ञान ,‎‎‎‎‎‎‎‎‎‎‎‎‎‎‎‎‎‎‎‎‎‎‎‎ कृषी क्षेत्रातील विद्यार्थ्यांनी संशोधनातून‎ साकारलेल्या तंत्रविषयक आविष्काराला‎ एक व्यासपीठ उपलब्ध होण्यासाठी १९८६‎ पासून अखिल भारतीय विद्यार्थी परिषद‎ आणि सृजन संस्था यांच्या वतीने डिपेक्स‎ प्रदर्शनाचे आयोजन करण्यात येते. हे‎ डिपेक्स आयोजनाचे ३२ वे वर्ष आहे. तीन‎ दिवसीय प्रदर्शनाचा समारोप रविवारी (दि.‎ ९) होईल.

डिपेक्स प्रदर्शनामध्ये हजारो‎‎‎‎‎‎‎‎‎‎‎‎‎‎‎‎‎‎‎‎‎‎‎‎ विद्यार्थी प्रत्येक वर्षी सृजनशीलता तसेच‎ तांत्रिक ज्ञान प्रकल्पांच्या माध्यमातून‎ आपले कौशल्य प्रदर्शित करीत असतात.‎ प्रदर्शनामध्ये महाराष्ट्र आणि गोवा‎ राज्यातील अभियांत्रिकी, तंत्रज्ञान तसेच‎ कृषी क्षेत्रातील पदविका आणि पदवीच्या‎ विद्यार्थ्यांनी तयार केलेल्या प्रकल्पांचे‎ प्रदर्शन करण्यात आले असून त्यामध्ये या‎ वर्षी २५० पेक्षा अधिक तंत्रनिकेतन,‎‎‎‎‎‎‎‎‎‎‎‎‎‎‎‎‎‎‎‎‎‎‎‎ अभियांत्रिकी व कृषी विज्ञान‎ महाविद्यालयातील चलप्रतिकृतीसह १०००‎ पेक्षा अधिक विद्यार्थी सहभागी झाले आहे.‎ प्रदर्शनाच्या कक्ष उद्घाटन सोहळ्याचे‎ सूत्रसंचालन महानगर मंत्री सावनी‎ सामदेकर, तर आभार महानगर अध्यक्ष‎ डॉ. श्याम मुंजे यांनी मानले. या प्रसंगी‎ मोठ्या संख्येने प्राध्यापक, संशोधक व‎ विद्यार्थी उपस्थित होते.‎

२५० प्रतिकृतींसह हजारावर विद्यार्थी सहभागी‎ प्रदर्शनीमध्ये महाराष्ट्र आणि गोवा राज्यातील अभियांत्रिकी, तंत्रज्ञान तसेच कृषी‎ क्षेत्रातील पदविका आणि पदवीच्या विद्यार्थ्यांनी तयार केलेल्या प्रकल्पांचे प्रदर्शन‎ करण्यात आले असून त्यामध्ये या वर्षी २५० पेक्षा अधिक तंत्रनिकेतन,‎ अभियांत्रिकी व कृषी विज्ञान महाविद्यालयातील चलप्रतिकृतीसह १००० पेक्षा‎ अधिक विद्यार्थी सहभागी झाले आहे.‎अभाविपद्वारे ध्वजारोहण‎ या प्रसंगी अखिल भारतीय विद्यार्थी‎ परिषदेचे प्रांत अध्यक्ष प्रा. नितीन गुप्ता,‎ प्रांत मंत्री शक्ती केराम, अमरावती‎ महानगर अध्यक्ष डॉ. श्याम मुंजे यांच्या‎ हस्ते ध्वजारोहण करून करण्यात आले.‎