दाम्पत्याला‎ धमकाविण्याचा प्रयत्न:प्लास्टिक बंदुकीचा धाक, चाकूने‎ वार करुन लुटणाऱ्याला पकडले‎

शहरातील देवरणकरनगरमध्ये राहणाऱ्या‎ एका वृद्ध दाम्पत्याच्या घरात प्लॅस्टीकची‎ बंदूक घेवून गेला. त्या आधारे वृद्ध दाम्पत्याला‎ लूटण्याचा प्रयत्न केला. मात्र, त्यांनी रक्कम‎ दिली नाही तर चाकूने वृद्धाला जखमी करुन‎ त्यांच्याकडून अकराशे रुपयांची रोख‎ पळवली होती. या लुटारुला राजापेठ‎ पोलिसांनी सीसीटीव्ही फूटेजच्या मदतीने‎ शनिवारी (दि. ८) रात्री पकडले आहे.‎ विवेक विनायक राऊत (४८, रा. आष्टा,‎ धामणगाव रेल्वे) असे पोलिसांनी अटक‎ केलेल्या लूटारुचे नाव आहे. विवेक राऊत‎ हा २८ जानेवारी २०२३ रोजी रात्री नऊ‎ वाजताच्या सुमारास देवरणकर नगरमध्ये‎ राहणाऱ्या विजय देवगावकर यांच्या घरात‎ घुसला होता.

यावेळी त्याने हातात‎ प्लास्टिकची बंदूकसुद्धा नेली होती. या‎ बंदूकीद्वारे त्याने देवगावकर दाम्पत्याला‎ धमकाविण्याचा प्रयत्न केला मात्र ते घाबरले‎ नाही. त्याने देवगावकर दाम्पत्याला तब्बल‎ तीन लाख रुपये मागितले होते. त्यानंतर‎ विवेकने त्यांना चाकू दाखवला, यावेळी‎ देवगावकर यांनी प्रतिकार केला असता‎ त्यांना लुटारुने चाकू मारला व ११०० रुपये‎ घेऊन पोबारा केला होता. दरम्यान, या‎ प्रकरणी अज्ञाताविरुद्ध लुटमारीचा गुन्हा‎ दाखल करुन राजापेठ पोलिसांनी आरोपीला‎ अटक केली. ही कारवाई राजापेठचे ठाणेदार‎ मनिष ठाकरे, पीएसआय गजानन काठेवाडे,‎ छोटेलाल यादव, सागर सरदार, नीलेश‎ गुल्हाणे, दिनेश भिसे, नरेश मोहरील,‎ विकास गुळधे यांनी केली आहे.‎