शिवसैनिकांतर्फे उपक्रम‎:सात पंचायत समित्यांमधील विद्यार्थ्यांनी‎ सादरीकरणातून घडवला कलाविष्कार‎

जिल्हा परिषदेच्या प्राथमिक शिक्षण‎ विभागाचा जिल्हास्तरीय प्राथमिक‎ शालेय क्रीडा महोत्सवात जिल्ह्यातील‎ सात पंचायत समितीमधील विद्यार्थ्यांनी‎ विविध कलाविष्कार दाखवत विविध‎ समूह नृत्य, नाटिका, एकल नृत्य, गीत,‎ आदिवासी नृत्य, देशभक्तीपर गीत अशा‎ अनेक विषयांवर सांस्कृतिक‎ कार्यक्रमांचे सादरीकरण करत‎ उपस्थितांना जागीच खिळवून ठेवत दाद‎ मिळवली. या वेळी मोठ्या संख्येने‎ अमरावतीकर प्रेक्षकांनी उपस्थिती‎ लावत विद्यार्थ्यांना प्रोत्साहित केले.‎ कार्यक्रमाच्या परीक्षक म्हणून नाट्य‎ कलावंत ज्ञानदा पाटिल-येवतीकर,‎ रंगभूमी परीक्षक प्रतिभा टेटू, नाट्यकर्मी‎ माया वाकोडे, सांस्कृतिक कार्यक्रमाचे‎ संयोजक गजानन देशमुख, सुरेश‎ चिमणकर, सुनीता लहाने, शिला‎ मसराम, क्रीडा संयोजक डॉ. नितीन‎ उंडे, उपशिक्षणाधिकारी प्रिया देशमुख‎ उपस्थित होत्या.‎

या सां स्कृतिक महोत्सवामध्ये‎ काटी येथील जिल्हा परिषदेच्या‎ शाळेच्या विद्यार्थ्यांनी ‘सारे जहाँ से‎ अच्छा’ हे समुह नृत्य, नांदगाव खंडेयवर‎ पंचायत समितीमधील दाभा शाळेने‎ शेतकरी व्यथा विविध प्रकारे सादर केले,‎ चांदूर रेल्वे पं. स. मधील चिरोडी येथील‎ शाळेच्या विद्यार्थ्यांनी बंजारा नृत्य,‎ गणेश वंदन आणि गोंडी नृत्य, तर सादर‎ केले, चांदूरवाडी शाळेने देशभक्ती गीत‎ व एकल नृत्य सादर केले.तर अमरावती‎ पं. स. मधील नांदगाव पेठ कन्या शाळेने‎ मोबाईलचा वापर टाळा, शारीरिक खेळ‎ खेण्याचा संदेश नाटिकेतून दिला. दर्यापूर‎ पं. स. मधील माहुली धांडे येथील‎ विद्यार्थ्यांनी ‘जिस देश मे गंगा रहता है’‎ हे समुह नृत्य सादर केले, गोडेगाव‎ येथील संस्कृती चोरपगार हिने ‘मी‎ सावित्री बोलतेय’ हा एकपात्री प्रयोग‎ सादर केला. तिवसा तालुक्यातील वऱ्हा‎ शाळेने नृत्यातून देवी वंदना केली.‎ धामणगाव रेल्वे तालुक्यातील दिघी‎ महल्ले शाळेने अतिशय उत्कृष्ट‎ आदिवासी लोकनृत्य सादर केले. तसेच‎ तुकडोजी महाराजांचे भजन आणि‎ एकल नृत्य सादर केले.

अंजनगाव सुर्जी‎ मधील विहीगाव शाळेने सुधीर खोडे‎ यांनी तयार केलेले ‘चला शिकू सारे,‎ शब्दांच्या जाती रे हे’ शिक्षणावर‎ आधारित नृत्य,‘भयमुक्त शिक्षण करील‎ बालकाचे रक्षण’ नाटिकेचे सादरीकरण‎ केले. मोर्शी पं. स. मधील नेरपिंगळाई‎ कन्या शाळेच्या विद्यार्थिनींनी वाघ्या‎ मुरळी हे पारंपरिक लोकनृत्य, तर अनुश्री‎ सुरजुसे हिने ‘मी सावित्री बोलतेय’ हा‎ एकपात्री प्रयोग सादर केला, तसेच जि.‎ प. शाळा उमरखेड यांनी समूह नृत्य‎ सादर केले. अमरावती पंचायत समिती‎ मधील जि. प. कन्या शाळा नांदगाव पेठ‎ यांनी मुलींचे सक्षमिकरण, माहोली‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ जहांगीर यांनी विविधतेतून एकता (वंदे‎ मातरम), डवरगाव शाळेने विष्णू‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ अवतार सादर करून उपस्थितांची दाद‎ मिळवली आहे.‎