अटक:दुचाकी चोरट्याने दिली‎ चार गुन्ह्यांची कबुली‎

नांदगाव पेठ पोलिसांनी एका वाहन‎ चोरट्याला देशमुख लॉन‎ परिसरातून अटक केली. कुणाल‎ साहेबराव वानखडे (२०, रा. केवल‎ कॉलनी) असे त्याचे नाव आहे.‎ त्याने दुचाकीसह सायकल चोरी‎ अशा एकूण चार गुन्ह्यांची कबुली‎ दिली असून, पोलिसांनी त्याच्या‎ ताब्यातून १ लाख रुपये किमतीच्या‎ दोन दुचाकी व दोन सायकली जप्त‎ केल्या आहेत.‎ नांदगाव पेठ पोलिस ठाण्यात ३१‎ जानेवारीला दुचाकी चोरीचा एक‎ गुन्हा नोंदवण्यात आला होता. सदर‎ गुन्ह्यात विशाल लिलाटकर (३०,‎ रा. रामनगर, गिरजा विहार,‎ देशमुख लॉन मागे, अमरावती)‎ यांची दुचाकी चोरी गेली होती. या‎ गुन्ह्याच्या तपासात ४ मार्चला‎ एपीआय दत्ता देसाई यांनी‎ संशयाच्या आधारे कुणाल‎ वानखडेला ताब्यात घेवुन‎ विचारपूस केली. त्यावेळी त्याने राम‎ नगर परिसरातून एक काळ्या‎ रंगाची दुचाकी चोरी केल्याचे‎ सांगितले.

या माहितीवरून‎ पोलिसांनी त्याला अटक केली‎ होती. चौकशीनंतर त्याने‎ नांदगावपेठ, राजापेठ व गाडगेनगर‎ हद्दीतून दुचाकी व सायकल चोरी‎ केल्याची कबुली दिली. त्यानुसार‎ पोलिसांनी त्याच्या ताब्यातून दोन‎ दुचाकी व दोन सायकली जप्त‎ केल्या.‎ नांदगाव पेठ पोलिसांनी‎ न्यायालयात हजर केले असता,‎ न्यायालयाने त्याला ७ मार्चपर्यंत‎ पोलिस कोठडी सुनावली.‎ त्याच्याकडून आणखी काही गुन्हे‎ उघडकीस येण्याची शक्यता आहे.‎ ही कारवाई नांदगावचे ठाणेदार‎ प्रविण काळे, एपीआय दत्ता देसाई,‎ खारोळे, राजू काळे, सुभाष‎ पोहणकर, पंकज यादव, सतीश‎ महल्ले, ललित देवकर व वैभव‎ सवईकर यांनी केली आहे.‎