आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

प्रवाशी ऑटो जप्त‎:अवैध गॅस रिफिलिंग‎ करणाऱ्या दोघांना पकडले‎

अमरावती‎एका महिन्यापूर्वी
  • कॉपी लिंक

नागपुरी गेट पोलिस ठाण्याच्या‎ हद्दीतील लालखडी परिसरातील ‎मुजफ्फरपुरा भगाात क्राईम ब्रँचच्या ‎पथकाने धाड टाकून अवैध गॅस ‎ ‎ रिफिलिंगचा भंडाफोड केला. ही ‎कारवाई मंगळवारी (दि. ३) केली ‎आहे. याप्रकरणी पोलिसांनी अवैध‎ गॅस रिफीलींग करणाऱ्यासह एका ‎प्रवाशी ऑटो चालकाला पकडले ‎आहे. तसेच एक प्रवाशी ऑटो जप्त ‎करण्यात आला आहे.‎ समीर खान रहेमत खान (३०, रा. ‎मुजफ्फरपुरा) व ऑटो चालक नूर‎ अली अशफाक अली (४२, रा.‎ गुलिस्तानगर) यांना पोलिसांनी‎ पकडले आहे. मुजफ्फरपुरा येथे‎ घरगुती सिलिंडरमधून प्रवासी‎ ऑटोत गॅस रिफिलिंग करण्यात येत‎ असल्याची माहिती गस्तीवर‎ असलेल्या क्राइम ब्रँचचे‎ उपनिरीक्षक नरेशकुमार मुंढे व‎ त्यांच्या पथकाला मिळाली होती.

या‎ माहितीच्या आधारे पथकाने‎ मुजफ्फरपुरा येथे धाड टाकली.‎ यावेळी घरगुती वापराच्या‎ सिलिंडरमधून एका मशिनच्या‎ मदतीने प्रवाशी ऑटोरिक्षामध्ये गॅस रिफिलिंग सुरू होते. त्यामुळे‎ पोलिसांनी समीर खान रहेमत खान‎ व नूर अली अशफाक अली या‎ दोघांना ताब्यात घेतले. त्यांच्याकडून‎ गॅस सिलिंडर, इंडक्शन मोटार, गॅस‎ रिफिलिंग मशिन व ऑटो असा‎ एकूण १ लाख ७७ हजार ५००‎ रुपयांचा मुद्देमाल जप्त करण्यात‎ आला. आरोपींविरुद्ध नागपुरी गेट‎ ठाण्यात गुन्हा दाखल करण्यात‎ आला असून सदरची कारवाई गुन्हे‎ शाखेचे पोलिस निरीक्षक अर्जुन‎ ठोसरे यांच्या नेतृत्वात पोलीस‎ उपनिरीक्षक नरेशकुमार मुंढे व‎ त्यांच्या पथकाने केली आहे.‎

बातम्या आणखी आहेत...