नातेवाईक त्रस्त‎:इर्विन’मधील पाणीपुरवठा पाच‎ दिवसांपासून बंद, रुग्णांचे हाल‎

जिल्हा सामान्य रुग्णालयातील ‎(इर्विन) पाण्याच्या टाकीला‎ जोडलेली मुख्य जलवाहिनी‎ फुटल्याने मागील पाच दिवसांपासून पाणीपुरवठा बंद आहे. पाण्याशिवाय ‎ ‎ भागत नसल्याने रुग्णालयातील ३५० रुग्ण, नातेवाईक, कर्मचाऱ्यांची ‎चांगलीच परवड होत आहे.‎ बाटलीबंद पाणी विकत‎ आणण्यासाठी गरीब रुग्ण व त्यांच्या ‎ ‎ नातेवाइकांना हकनाक आर्थिक‎ फटका बसत आहे.‎ रुग्णालयातील कर्मचारीही यामुळे ‎चांगलेच त्रस्त झाले आहेत.‎ शौचालयात जाण्यापुरतेही येथे‎ पाणी नाही. खासगी टँकरने पाणीपुरवठा केला जात असला तरी‎ तो अपुरा असल्यामुळे रुग्णांसह‎ त्यांचे नातेवाईक रुग्णालय ‎ प्रशासनाच्या नावाने बोटे मोडत‎ आहेत.‎ जुन्या टाकीची जलवाहिनी नव्या‎ पाण्याच्या टाकीला जोडण्यात‎ आली. ती बदलण्यात आली नाही. त्यामुळे ही समस्या निर्माण‎ झाल्याची माहिती दुरुस्ती करणाऱ्या ‎ ‎ कर्मचाऱ्यांनी दिली.‎

फारच जुनी जलवाहिनी‎ जीर्ण झाल्याने फुटली‎ इर्विन रुग्णालय निर्मितीपासूनची‎ जलवाहिनी टाकण्यात आलेली‎ जुनी व जीर्ण जलवाहिनी‎ फुटल्यामुळे रुग्णालयाचा पाणी‎ पुरवठाच ठप्प आहे. तरीही टँकरद्वारे‎ पाणी पुरवठा केला जात आहे.‎ लवकरच जलवाहिनी दुरुस्त‎ होऊन, पाणीपुरवठा सुरळीत होईल.‎ -नरेंद्र सोळंके, आरएमओ, इर्विन‎ रुग्णालय., अमरावती.‎

३५० रुग्ण घेताहेत उपचार‎ जिल्हा सामान्य (इर्विन)‎ रुग्णालयात दैनंदिन शेकडो रुग्ण‎ उपचार घेतात. परंतु, ३५० रुग्ण‎ सध्या येथे उपचार घेत आहेत.‎ प्रत्येक रुग्णांसोबत नातेवाइकही‎ आहेत, अशी माहिती जिल्हा शल्य‎ चिकित्सक दिलीप सौंदणे यांनी‎ दिली. पाइपलाइन फुटल्याने या‎ रुग्णांसह नातेवाइक पाण्याशिवाय‎ त्रस्त आहेत.‎

बाहेरून आणावे लागत आहे पाणी‎ टाकीत टँकरने पाणी टाकले जात‎ आहे. परंतु, एवढ्या मोठ्या‎ रुग्णालयासाठी ते पुरेसे नाही.‎ लवकरच पाणी संपले. त्यानंतर‎ आम्हाला बाहेरून पाणी आणावे‎ लागले. संपूर्ण रुग्णालयात पाणी‎ नसल्याने जेथे पाणी मिळेल, तेथे‎ रुग्णांचे नातेवाइक धाव घेत आहेत.‎ त्यामुळे रुग्णालय परिसरात सध्या‎ बाटलीबंद पाण्याला मागणी वाढली‎ आहे. काहीजण न्यू आझाद‎ गणेशोत्सव मंडळातून पिण्याचे पाणी‎ आणत आहेत, अशी माहिती‎ रुग्णांच्या नातेवाइकाने दिली.‎