स्पधेचे आयोजन:महिला धनुर्विद्या स्पर्धेचे यजमानपद‎ महिला दिनानिमित्त यंदा अंबानगरीला‎

आंतरराष्ट्रीय महिला दिनानिमित्त खेलो‎ इंडिया ‘दस का दम’ उपक्रमांतर्गत‎ केंद्रीय क्रीडा मंत्रालयाद्वारे देशातील‎ विविध शहरांमध्ये महिलांच्या धनुर्विद्या‎ स्पर्धेचे आयोजन केले असून, यात‎ अमरावती शहरालाही स्पर्धेचे‎ यजमानपद मिळाले आहे. ही स्पर्धा‎ केवळ महिलांसाठीच राहणार हे‎ विशेष.‎ राज्यातील धनुर्विद्या खेळाचे‎ माहेरघर तसेच देशातील सर्वोत्तम‎ आर्चरी रेंज येथे असल्यामुळे या‎ स्पर्धेचे यजमानपद अमरावतीला‎ मिळाले.

संत गाडगेबाबा अमरावती‎ विद्यापीठापुढील आंतरराष्ट्रीय दर्जाच्या‎ आर्चरी रेंजवर ही स्पर्धा २६ मार्च रोजी‎ सकाळी ९ वाजतापासून आयोजित‎ करण्यात आली असून या स्पर्धेत‎ अमरावती जिल्ह्यासह विभागातील‎ महिला धनुर्धरांना त्यांचे कौशल्या‎ दाखवता येणार असल्याची माहिती‎ महाराष्ट्र धनुर्विद्या संघटनेचे अध्यक्ष‎ अॅड. प्रशांत देशपांडे यांनी दिली.‎‎‎‎‎‎‎‎‎‎‎‎‎‎‎‎‎‎‎‎ खेळांमध्ये महिलांचा सहभाग‎ वाढावा या उद्देशाने ‘दस का दम’‎ उपक्रमांतर्गत या स्पर्धेचे आयोजन‎ करण्यात आले आहे. यातून उदयोन्मुख‎ महिला धनुर्धरही शोधल्या जाणार‎ आहेत. महिलांमध्ये असलेल्या क्रीडा‎‎‎‎‎‎‎‎‎‎‎‎‎‎‎‎‎‎‎‎ कौशल्याला उत्तम व्यासपीठ मिळवून‎ देण्यासोबतच त्यांच्यातून आंतरराष्ट्रीय‎ धनुर्धर मिळवण्यासाठीही या स्पर्धेचा‎ उपयोग होणार आहे. महिला खेळाडूंना‎ त्यांच्या किटसह उपस्थित‎ राहायचे आहे.‎

जास्तीत जास्त महिला खेळाडूंचा सहभाग‎
ही स्पर्धा महिलांच्या सर्वच गटासाठी खुली असून या स्पर्धे राज्य, राष्ट्रीय,‎ आंतरराष्ट्रीय व नवोदित महिला खेळाडू सहभागी होतील. स्पर्धेच्या आयोजनाची‎ जबाबदारी महाराष्ट्र धनुर्विद्या संघटनेकडे आहे.‎ -प्रमोद चांदूरकर, महासचिव, भारतीय धनुर्विद्या संघटना.‎णार आहे. महिला खेळाडूंना‎ त्यांच्या किटसह उपस्थित‎ राहायचे आहे.‎