औद्योगिक‎ ‎प्रशिक्षण संस्था:आपले कौशल्य ओळखून‎ युवकांनी करिअर निवडावे‎

जीवनामध्ये घडणाऱ्या अनेक‎ छोट्या-मोठ्या परिस्थितीनुसार‎ आपण आईवडील, मित्र, भावंडे,‎ शिक्षकांकडून मार्गदर्शन घे तो, परंतु‎ आपल्या आयुष्यात अनेक असे‎ वेगवेगळे टप्पे येतात, त्यामध्ये आपण‎ कोणते करिअर निवडावे आणि‎ आपल्यातील कौशल्ये कशी विकसित‎ करावी, स्पर्धात्मक काळात आपण‎ कसे वेगळे आहोत हे ओळखून‎ आपल्या ध्येयाकडे वाटचाल करावी,‎ असा सूर करिअर मार्गदर्शन‎ कार्यशाळेत मान्यवरांनी व्यक्त केला.‎ अमरावती येथील नेहरू युवा केंद्र व‎ चिखलदरा येथील औद्योगिक‎ प्रशिक्षण संस्थेच्या संयुक्त सहकार्याने‎ चिखलदरा येथे नुकतीच करिअर‎ मार्गदर्शन कार्यशाळा घेण्यात आली.‎

‎‎‎‎‎‎ कार्यशाळेत मेळघाटातील युवकांनी‎ मोठ्या संख्येने हजेरी लावली होती.‎ आयटीआयचे संजय मार्शेटवर यांनी‎ आयटीआयला प्रवेश कसा घेऊ‎ शकतो, नोकरीची संधी या विषयी‎ मार्गदर्शन केले. तसेच रूपेश डोंगरे‎ यांनी मुलांना भविष्यात येणाऱ्या‎ अडचणींना कसे सामोरे जावे याविषयी‎ मार्गदर्शन केले, तर नेहरू युवा केंद्राच्या‎ जिल्हा युवा अधिकारी स्नेहल‎ बासुतकर यांनी नेहरू युवा केंद्राचे‎ कार्यक्रम व युवक मंडळ तयार करून‎ सामाजिक कार्यात कसा सहभाग घेऊ‎ शकतो, याविषयी माहिती दिली.‎