पोलिस‎ कोठडी सुनावली:जुन्या वादातून 22 वर्षीय‎ युवकाची हत्या; मारेकऱ्यांची कबुली, आरोपींना तीन दिवसांची कोठडी‎

जुन्या वादातून २२ वर्षीय रोशन‎ बिनझाडे या युवकाची हत्या करून‎ त्याचा मृतदेह पिंपळगाव मार्गावरील‎ विहिरीत फेकला होता. ही घटना ११‎ मार्चला सकाळी उघडकीस आली‎ होती. या प्रकरणी शहर पोलिसांनी‎ तिघांना अटक केली असून, त्यांना‎ न्यायालयाने तीन दिवसांची पोलिस‎ कोठडी सुनावली आहे. तर दोन‎ अल्पवयीन मुलांना देखील पोलिसांनी‎ ताब्यात घेतले आहे. इरफान अली‎ बरकत अली उर्फ इरफान लेंडी वय‎ ४५ रा. आंबेडकर नगर, यवतमाळ,‎ अखिल उर्फ गोलू आरिफ सय्यद‎ आणि शेख जमील शेख जलील रा.‎ यवतमाळ अशी त्या मारेकऱ्या तीन‎ जणांची नावे आहेत.‎

या प्रकरणी पोलिस सूत्रांकडून प्राप्त‎ माहितीनुसार, शहरातील रविदास नगर‎ येथील रोशन बिनझोड या २२ वर्षीय‎ युवकाचा काही दिवसांपूर्वी इन्नू उर्फ‎ इनायत अली, मोहम्मद गोलू उर्फ‎ सय्यद आसिफ, इरफान अली उर्फ‎ इरफान लेंडी आणि सोहेल शराफत‎ अली यांच्यासोबत वाद झाला होता.‎ त्यानंतर ८ मार्चला त्याला पाचधारा‎ परिसरात जेवन करण्यासाठी‎ बोलावले होते. त्या ठिकाणी पुन्हा‎ रोशनसोबत वाद झाला.

दरम्यान‎ धारदार शस्त्राने वार करत रोशनची‎ हत्या करण्यात आली. त्यानंतर‎रोशनचा मृतदेह‎पिंपळगाव‎मार्गावरील एका‎विहिरीत फेकला‎होता. दरम्यान‎कुटुंबीयांनी सर्वत्र‎शोध मोहीम‎राबवली, मात्र‎ रोशन कुठेच आढळून आला नव्हता.‎ अखेर १० मार्चला शहर पोलिस‎ ठाण्यात मिसिंगची तक्रार दिली.‎ दरम्यान दुसऱ्या दिवशी ११ मार्चला‎ पिंपळगाव परिसरातील विहिरीत‎ रोशनचा मृतदेह तरंगताना आढळून‎ आल्यामुळे घडलेला संपूर्ण‎ घटनाक्रमच समोर आला. या प्रकरणी‎ शहर पोलिस ठाण्यामध्ये मारेकऱ्यांवर‎ खुनाचा गुन्हा नोंदवण्यात आला आहे.‎

या प्रकरणी शहर पोलिसांनी दोन‎ अल्पवयीन मुलांसह इरफान अली‎ बरकत अली उर्फ इरफान लेंडी,‎ अखिल उर्फ गोलू आरिफ सय्यद‎ आणि शेख जमील शेख जलील या‎ तिघांना ताब्यात घेतले. रविवारी त्या‎ तिघांना न्यायालयात हजर केले‎ असता, न्यायालयाने तीन दिवसांची‎ पोलिस कोठडी सुनावली आहे. या‎ प्रकरणाचा पुढील तपास उपविभागीय‎ पोलिस अधिकारी संपतराव भोसले‎ यांच्या मार्गदर्शनात शहर ठाणेदार‎ नंदकिशोर पंत, सहायक पोलिस‎ निरीक्षक सचिन लुले पाटील करत‎ आहे.‎