फसवणूक:खोट्या सह्या करून‎ 43 लाखांनी गंडविले‎

तालुक्यातील श्री क्षेत्र उंबरझरा‎ (इं.) येथील हनुमान मंदिर व‎ आश्रमामधील महाराजांची बनावट‎ स्वाक्षरी काढून तब्बल ४३ लाखाने‎ फसवणूक केली. या प्रकरणी श्रीधर‎ बवीराम जाधव वय ३२ वर्ष यांनी‎ पोलिसांत तक्रार दिली. दिलेल्या‎ तक्रारीवरून पोलिसांनी सात‎ आरोपीविरोधात विविध कलमान्वये‎ गुन्हे केले आहे. यात प्रमोद देशपांडे,‎ प्राची देशपांडे, अभय चरडे,‎ ओमप्रकाश महाजन, ओजस्वी‎ महाजन, पुजा महाजन, सुधीर‎ चरडे, असे आरोपींची नावे आहेत.‎ यातील काही जण सन २०१२, तर‎ उर्वरीत सन २०१६ पासून दत्तमंदिर,‎ हनुमान मंदिर व आश्रमाशी जुळले‎ होते.

तद्नंतर सहा जण १९ जून‎ २०१८ रोजी ट्रस्टच्या रेकॉर्डवर ट्रस्टी‎ म्हणून नोंदवण्यात आले. तर‎ ट्रस्टच्या दत्तमंदिर, हनुमान मंदिर व‎ आश्रमामध्ये ८५ वर्षीय श्रीराम‎ महाराज वास्तव्यास होते.‎ महाराजांच्या वार्धक्यामुळे ट्रस्टचा‎ संपूर्ण कारभार सात आरोपी‎ सांभाळत होते. आरोपींनी‎ संगनमताने कट रचून महाराजांच्या‎ खोट्या सह्या करून भारतीय स्टेट‎ बँकेच्या खात्यातून ४३ लाख‎ रुपयांचा घोळ केला. यात‎ महाराजांना भेट म्हणून आलेल्या‎ १२० ग्रॅम वजनाच्या सहा सोन्याच्या‎ अंगठ्या, , अनुग्रह दिलेल्या‎ शिष्यांची नोंद केलेली डायरी,‎ महत्वाचे साहित्य, आध्यात्मिक‎ पुस्तके, सीसीटीव्हीचा डेटा, आणि‎ इतर साहित्य चार ट्रकमध्ये भरून‎ चोरून नेले.‎