34 शाळांचा सहभाग‎:शिव सामान्य ज्ञान परीक्षेत 9 हजार‎ 435 परीक्षार्थ्यांनी नोंदवला सहभाग‎

पुसद अर्बन बँकेचे अध्यक्ष शरद मैंद‎ यांचे संकल्पनेतून मागील सात‎ वर्षांपासून भारती मैंद नागरी सहकारी‎ पतसंस्थेच्या प्रयोजकतेतुन छत्रपती‎ शिवराय जन्मोत्सव समितीद्वारा‎ शिवचरित्रावर आधारित शिवसामान्य‎ ज्ञान परीक्षेचे आयोजन शहरासह‎ महागाव व पुसद तालुक्यातील काही‎ शाळांवर होत असते. दि. ५ फेब्रुवारी‎ रोजी पार पडलेल्या शिवसामान्य ज्ञान‎ परीक्षेत एकूण ९ हजार ४३५‎ विद्यार्थ्यांनी विक्रमी सहभाग नोंदवला‎ होता. इयता ४ ते ७ अ गट सकाळी ९ ते‎ १० वाजे दरम्यान व इयत्ता आठवी ते‎ बारावी ब गट सकाळी ११ ते १२ वाजे‎ दरम्यान दोन गटात सदर परीक्षा घेण्यात‎ आली होती.‎

पुसद अर्बन बँकेचे अध्यक्ष शरद मैंद‎ यांचे अध्यक्षतेत परीक्षेचा उद्घाटन‎ सोहळा कोषटवार दौ. विद्यालयाचे‎ अध्यक्ष राजेश कोटलवार यांचे हस्ते‎ शाळेत छत्रपती शिवरायांच्या‎ अर्धाकृती पुतळ्यास पुष्पहार अर्पण‎ करून पार पडला. छत्रपती‎ शिवरायांच्या ३९३ व्या जयंतीनिमित्त‎‎‎‎‎‎‎‎‎‎‎‎ शिव सामान्य ज्ञान परीक्षेद्वारे‎ शिवरायांचे चरित्र घराघरात‎ पोहोचवण्याचा समितीचा मानस‎ असल्याचे मत शरद मैंद यांनी‎ अध्यक्षीय भाषणात व्यक्त केले.

तर‎ कोषटवार दौ.विद्यालयाचे अध्यक्ष‎ राजेश कोटलवार यांनी भारती मैंद‎ नागरी सहकारी पतसंस्थेच्या शिव‎ विचाराचे कौतूक करीत विद्यार्थ्यांना‎ प्रेरित करणारा इतिहास परीक्षेद्वारे‎ अभ्यासला जात असल्याने समाधान‎ व्यक्त केले. यावेळी व्यासपीठावर‎ अनिरुद्ध पाटिल मराठा सेवा संघाचे‎ जिल्हाध्यक्ष दिगंबर जगताप, नितीन‎ पवार, प्रा. अजय क्षीरसागर,‎ मुख्याध्यापक प्रा. सुरेश धनवे,‎‎‎‎‎‎‎‎‎‎‎‎ उपमुख्याध्यापक गजानन वायकुळे,‎ भारत जाधव, सुधीर देशमुख, सुशांत‎ महल्ले उपस्थित होते. सदर‎ परीक्षेदरम्यान पुसद अर्बन बँक, भारती‎ मैंद पतसंस्थेचे कर्मचारी पर्यवेक्षक‎ म्हणून कार्यरत होते. प्रत्येक परीक्षा‎ केंद्रावर छत्रपती शिवरायांच्या प्रतिमेचे‎ पूजन करण्यात आले. सीलबंद‎ प्रश्नपत्रिकेचे पाकिट दोन विद्यार्थ्यांच्या‎ स्वाक्षरीनिशी फोडण्यात आले.परीक्षा‎ ही ओएमआर शीट प्रकारातून पार‎ पडली.सदर परीक्षेच्या यशस्वीतेसाठी‎ शिवसामान्यज्ञान परीक्षा समिती प्रमुख‎ चंद्रकांत ठेंगे, समिती सदस्य प्रा. अजय‎ क्षीरसागर, अमोल शिंदे, नागेश जोगदे‎ आदींनी परिश्रम घेतले.‎