तिसऱ्यांदा बोलावल्या निविदा:प्रत्येक निविदेसोबत कागदपत्रांचा मोठा ढीग‎

शहरातील घनकचरा व्यवस्थापनाच्या‎ सुमारे १२ कोटी रुपयांच्या कंत्राटाचा तिढा‎ अद्याप सुटलेला नाही. या कंत्राटासाठी‎ आता तिसऱ्यांदा निविदा प्रक्रिया‎ राबवण्यात येत आहे. यामध्ये पाच‎ संस्थांनी आपल्या निविदा सादर केल्या‎ असून यापैकी एकेका निवीदेसोबतच‎ चक्क हजार-बाराशे कागदांचा ढीग‎ जोडण्यात आला आहे. आता या‎ कागदपत्रांची तपासणी सुरू करण्यात‎ आली आहे.‎

पालिकेच्या वतीने शहरातील‎ घनकचरा व्यवस्थापनाचे काम करण्यात‎ येते. त्यात घराघरातून कचरा संकलित‎ करुन तो डंपिंग यार्ड पर्यंत पोहचवणे,‎ नाली, नाले, रस्ते यांची स्वच्छता करणे‎ यासह इतर स्वच्छतेच्या कामाचा समावेश‎ आहे. गेल्या काही वर्षात शहराचा विस्तार‎ मोठ्या प्रमाणात वाढला. त्यामुळे या‎ घनकचरा व्यवस्थापनाचा खर्चही वाढत‎ चालला आहे.

त्यातच आता हा खर्च‎ सुमारे १२ कोटी पेक्षा अधिक झाला आहे.‎‎‎‎‎‎‎‎ शहरातील घनकचरा व्यवस्थापनासाठी‎ पालिकेने नवा कंत्राट काढला. त्यासाठी‎ आतापर्यंत तीन वेळा निविदा प्रक्रीया‎ राबवण्यात आली आहे. सुरूवातीच्या‎ दोन वेळी एकही सक्षम संस्था उपलब्ध न‎ झाल्याने पालिकेच्या वतीने तिसऱ्यांदा‎ निविदा बोलावण्यात आल्या आहेत.‎ यावेळी पाच संस्थांनी कंत्राटासाठी‎ निविदा सादर केल्या आहेत.

या प्रत्येक‎ निवीदेसोबत १ हजार ते १ हजार २००‎ इतक्या मोठ्या संख्येने कागदपत्रे‎ जोडण्यात आली आहेत. या कागदपत्रांची‎ तपासणी करण्याचे काम पालिकेच्या‎ आरोग्य विभागाने आता सुरू केले आहे.‎ कागदपत्रांच्या तपासणीनंतर कंत्राट‎ घेण्यासाठी सक्षम ठरणाऱ्या संस्थांच्या‎ आर्थीक निविदा उघडण्यात येणार आहेत.‎‎‎‎‎‎‎‎‎‎‎‎‎‎‎‎‎‎ मात्र मोठ्या संख्येने जोडण्यात आलेल्या‎ या कागदपत्रांच्या तपासणीमुळे या‎ प्रक्रियेसाठी वेळ लागणार असल्याचे‎ सांगण्यात आले आहे. असे असले तरी‎ पालिकेचा हा १२ कोटींचा कचरा कंत्राट‎ आता शहरवासीयांसाठी कुतूहलाचा‎ विषय ठरत चालला आहे.‎

जुन्या कंत्राटदाराचे‎ काम रेंगाळले‎ सुमारे ६ महिन्यांपुर्वी जुन्या‎ कंत्राटदाराचा कंत्राट संपला‎ आहे.तेव्हापासु न त्याला मुदतवाढ‎ देवुन त्याच्याकडून स्वच्छतेची कामे‎ करवुन घेण्यात येत आहे.मात्र दरवेळी‎ देयके रखडल्याचे कारण पुढे करीत या‎ कंत्राटदार संस्थेकडून स्वच्छतेच्या‎ कामाकडे दुर्लक्ष करण्यात येत‎ असल्याचे दिसत आहे.त्यासंदर्भ ात‎ पालिका मुख्याधिकाऱ्यांनी संबंधीत‎ कंत्राटदाराला तंबी दिल्याचीही माहिती‎ आहे.‎