अनावरण‎:सेवालाल महाराजांच्या जयघोषात पुतळा‎ पोहरादेवीकडे रवाना; 12 रोजी अनावरण‎

संपुर्ण बंजारा समाजाची काशी म्हणुन‎ ओळखल्या जाणाऱ्या पोहरादेवी येथे‎ बंजारा समाजाचे श्रद्धास्थान संत‎ सेवालाल महाराज यांचा पंच धातुचा‎ पुतळा स्थापन करण्यात येत आहे.‎ यवतमाळ येथे तयार करण्यात‎ आलेला हा पुतळा शुक्रवार दि. ३‎ फेब्रुवारी रोजी पोहरादेवीकडे रवाना‎ करण्यात आला. यानिमित्ताने‎ पालकमंत्री संजय राठोड यांच्या हस्ते‎ हजारो समाज बांधवांच्या उपस्थितीत‎ पोस्टल मैदान येथे सकाळी विधिवत‎ पुजन करण्यात आले. यावेळी संत‎ सेवालाल महाराजांच्या जयघोषात‎ मोठी रॅली काढुन पुतळा पोहरादेवीकडे‎ रवाना झाला.‎

संत सेवालाल महाराज यांच्या‎ अश्वारूढ पुतळ्याचे अनावरण‎ रविवार दि. १२ फेब्रुवारी रोजी‎ पोहरादेवी येथे होणार आहे. त्यासाठी‎ यवतमाळ येथे आकार घेतलेला हा‎ पुतळा पोस्टल मैदान येथून पोहरादेवी‎ कडे रवाना झाला. राज्याचे अन्न‎ औषधी प्रशासन मंत्री तथा यवतमाळ,‎ वाशिमचे पालकमंत्री ना. संजय राठोड‎ यांच्या हस्ते, रामधनजी महाराज‎ गीमोना यांच्या अध्यक्षतेखाली तसेच‎‎‎‎‎‎‎‎‎‎‎‎‎‎‎‎‎‎‎ तांड्याचे नायक भाऊराव राठोड,‎ एल. एच. पवार, वसराम राठोड, डॉ.‎ टी. सी. राठोड, डॉ. विशाल राठोड,‎ खाजगी सचिव डॉ. मोहन राठोड, डॉ.‎ मुडे, डॉ. वर्षा चव्हाण, आशा राठोड,‎ निशांत चव्हाण, डॉ. महेश चव्हाण,‎ डॉ. वीरेंद्र राठोड, राजुदास जाधव,‎ नवलकिशोर राठोड, प्रा. प्रेम राठोड,‎ एन. टी. जाधव. हरीहर लिंगनवार,‎ पराग पिंगळे यांच्या प्रमुख उपस्थितीत‎ प्रस्थान रॅलीला सेवा ध्वज दाखवण्यात‎‎‎‎‎‎‎‎‎‎‎‎‎‎‎‎‎‎‎ आला. शिल्पकार रामू चव्हाण यांच्या‎ हातून साकारलेला अश्वारूढ पुतळा‎ पुतळ्याचे पूजन पाहुण्यांच्या हस्ते‎ करण्यात आले.‎ तब्बल ३ हजार १५८ दुचाकींवर‎ पांढऱ्या रंगाचे ध्वज लावुन सहभागी‎ झालेल्या समाज बांधवांची दुचाकी‎ रॅली यावेळी काढण्यात आली. विशेष‎ म्हणजे पोहरादेवी पर्यंत ही हजारो‎ दुचाकींची रॅली पुतळ्याच्या सोबत‎ होती.‎

भव्य असा हा पुतळा‎ संत सेवालाल महाराज यांचा‎ अश्वारूढ ब्राँझ पुतळा अकरा‎ फुट उंच आणि अकरा फुट‎ लांब असुन तो दीड टन‎ वजनाचा आहे. वर्षभरापासून‎ कारागीर पुतळ्याचे काम‎ करीत होते. ब्राँझ, जस्त,‎ कथिल, लोखंड, सोने, चांदी‎ या पंच धातूचा वापर पुतळा‎ तयार करण्यात आला आहे.‎ अतिशय रेखीव असा हा‎ पुतळा आहे.‎

हे तर पांढरे वादळच..‎ शिल्पकार रामू चव्हाण‎ यांच्या हातून साकारलेला हा‎ पंच धातूचा अप्रतिम पुतळा‎ अतिशय सुंदर व भव्यदिव्य‎ असून हा पुतळा पोहरादेवी‎ पर्यंत नेण्यासाठी आज‎ युवकाच्या रूपाने उसळलेले हे‎ पांढरे वादळ आहे. युवकांचा‎ हा प्रचंड मोठा सहभाग पाहून‎ मी भारावलो आहे.‎ संजय राठोड. पालकमंत्री‎